Make 10:21 - Enga Niu Tesamene

²¹ Dopa leamopa, Jisasame akali doko kondo kaeyao kandatala baa lamaiyoo, “Emba mendai mende daa jilyamona, emba pupala, embanya oapi dupa pitaka salimi latala, endakali daa jepae dupa maipi. Maitinopa oapi epe dupa embanya kaiti-kisa sakata. Dopana, embanya poko ita doko nyoo soo namba watao ipu” lea.

Make 10:21 Referans Kwoze

Revelesene 2:4

Dopaka doko, emba-kisa tenge mende silyamo: Wamba embame tee pyao namba auu kaeyenoli pyoo, indupa auu nakaelyeno.

Luku 10:42

Dopaka doko, mendai iki mende nee kaeyapenge jilyamo. Mariame epe mende yapao nyepala pilyamo doko mendeme nyoo nepakamaiya naeyatana” lea.

Jemesa 2:10

Endakali mendeme Mosesanya loo dupa pitaka wata-minao katapala, loo dupanya mendai iki yalatamo doko, loo dupa pitaka yalelyamona lao baa-kisa tenge seta.

Aposole 2:45

Dopa pyoo katao, dokaitanya oapipi, yuupi dupa salimi latala muni nyiami dupa endakali daa jia dupa pitaka mokosoo maiyoo kateami.

Luku 18:22

Dopa leamopa Jisasame sepala akali doko lamaiyoo, “Emba mendai mende daa jilyamona, embanya oapi dupa pitaka salimi latala, endakali daa jepae dupa mokosoo maipi. Dopa pitinopa oapi epe dupa embanya kaiti-kisa sakata. Dopana, emba namba watao ipu” lea.

Matyu 16:24

Dopa latala Jisasame baanya disaipolo dupa lamaiyoo, “Endakali mendeme namba watao ipatoo lao maseta dokome baa tange kame sepala, baanya poko ita doko tange nyoo soo namba watao ipupenge.

Revelesene 2:20

Dopaka doko, embanya etanenge Jesebele baa tangeme propetana lenge doko siosanya petena kaeyapinosa, baame nambanya kalai akali dupa minakasoo mana lapya dokome, dokaitame kepo kolao, gotena lao wasepae dupa kundi maitae nee dupa nao pina lapya. Tenge dokonya emba-kisa tenge silyamo.

Revelesene 2:14

Dopaka doko, emba-kisa tenge kuki mende silyamo: Embanya siosa dokonya petenge endakali mendapuame akali Balamenya mana dupa minilyamino. Balameme akali Balake doko mana lamaiyamopa, Israele dupa kaita lyokao, gotena lao wasepae dupa kundi maitae nee dupa napa, kepo kolata pina lao Balakeme mapusia.

Ibru 10:34

Namba anjetae paleopa nyakamame kondo kaeyami. Dokopa endakali mendapuame nyakamanya oapi dupa tolao nyalanya piaminopa, Goteme etete epe koeyala naeyapenge mendapu nyakamanya kaiti-kisa setekelyamona lao masetala, auu kaeyao nyina kaeyami.

Luku 12:33

Nyakamanya oapi dupa salimi latala, endakali daa jepae dupa maiyepape. Dopa pitami dokome, nyakamanya munipi, oapi epepi, etala naenge dupa nuu atingi jala naeyata mendenya mandipala kaiti-kisa setataminosa pita. Yuu dokonya pake nenge mende tengesa naepenge. Dupa neneme nao koeyasala naengeaka.

Make 8:34

Dopa latala baame endakali kambu dokopi, baanya disaipolopi, dupa epena latala lamaiyoo, “Endakali mendeme namba watao ipatoo lao maseta dokome baa tange kame sepala, baanya poko ita doko tange nyoo soo namba watao ipupenge.

Luku 19:41

Dopa latala, Jisasa Jerusalema tengesa pao pituu, baame siti doko kandatala, siti doko lao ee lao

Luku 9:23

Dopa latala baame endakali dupa pitaka lamaiyoo, “Endakali mendeme namba watao ipatoo lao maseta dokome baa tange kame sepala, baanya poko ita doko tange nyoo soo namba watao ipupenge.

Matyu 19:21

Dopa leamopa Jisasame baa lamaiyoo, “Emba akali etete tolatae mende katapu laka lao maseteno doko, emba pupala, embanya oapi dupa salimi latala, endakali daa jepae dupa maipi. Maitinopa oapi epe dupa embanya kaiti-kisa sakata. Dopana, emba namba watao ipu” lea.

2 Korina 12:15

Nambame nyakama longo lao auu kaelyopa, nyakamame namba kuki lao auu kaengema. Dopaka doko, nyakama nisalanya nambanya oapi dupa pitaka yakinao, namba tange apata yakinapenge jipyali doko, nambame auu kaeyao yakinapuli.

Jone 16:33

Nyakama mona yaepao katataminopa lao nambame pii dutupa langilyo. Nyakama isa yuu dakenya katataminopa nyakama-kisa kenda dupa ipataka doko, nambame isa yuu dakenya pupu lapae doko ita minatelyona, nyakama mona kenda nakaeyalapape” lea.

Jone 12:26

Endakali mendeme namba masetala, nambanya kalai pyakatoo lao masetamo dokome namba watao ipupenge. Dokopa namba katato dokonya nambanya kalai akali doko nambapa tole katatamba. Endakali mendeme nambanya kalai pyakatamo doko, Takange dokome baa kenge andake maitana” lea.

Luku 16:9

Nambame nyakama langilyo: Nyakama kumataminopa, endakali kaita minao nyetami dupame sele anda kataowaka katenge dupanya nyakama lanyetamina, muni koo dupame endakali kaita minao nyalapape.

2 Timoti 3:12

Jisasa Kraisa-kisa katao, Gotenya mana dupa wata-minao katamana lao masetami endakali dupa pitaka, tanda maiyoo koeyasetami.

Make 10:22

Dopa leamopa, baanya oapi etete longo singi dokonyana, mona kenda kaeyao enomba kumatala, Jisasa yakinatala pea.