Make 10:14 - Enga Niu Tesamene

¹⁴ Dokopa Jisasame kandatala dokaita imbu kaeyao lamaiyoo, “Gotenya kingdom doko wane wanakupi koo dapale dupanyana, dokaita epekena kaita lyokala naeyalapa.

Make 10:14 Referans Kwoze

Matyu 19:14

Dokopa Jisasame lao pituu, “Kingdom kaiti-kisa singi doko wane wanakupi koo dapale dupanyana, dokaita epekena kaita lyokala naeyalapa” lea.

Matyu 18:10

“Wane koo datupanya enjele dupame koteaka lao nambanya Takange kaiti-kisa katenge dokonya enomba kandengemana, nyakamame dupanya mendaipi mende kandanya palyala naeyalapape lao nambame nyakama langilyo.

Matyu 18:4

Endakali mende baa anasale jetala, wane koo dapale joo kalyamo doko, baa kingdom kaiti-kisa singi dokonya alyasale joo katenge.

1 Pita 2:2

Kamongo doko epe-lamo lao kandatala, nyakamame nao siami-kandeno doko, nyakama andao wambu pimana lao, wane ŋaŋa dupame andu nalanya nee kaengemali pyoo, Gotenya pii kuni nasingi, endakalinya spirita nisingi doko nao salanya nee kaeyalapape.

2 Timoti 3:15

Gotenya pii pepa pyapae singi dupa embame wane kolesa pituu, indupa tuu lao masilyino. Jisasa Kraisa tungi pingi dokonya-kaita Goteme emba pyoo nyingina lao, pii pepa pyapae singi dupame emba masepae epe dipenge.

Revelesene 14:5

Dokaita-kisa koo tenge mende nasingi dokonya, dokaitame sambo pii laa naengema.

2 Timoti 1:5

Embanya aputingi Loisapa, embanya endangi Yunisapa, dolapo-kisa Jisasa tungi pingi doko wambao siamoli pyoo, emba-kisa Jisasa tungi pingi doko kiningi silyamona lao nambame kyeto joo masilyo.

Epesusa 4:26

Nyakama imbu pitamopa, koo mende pyaa naeyalapape. Nyakama imbu kaeyatae katao, niki landa pina lao kaeyala naeyalapape.

1 Korina 14:20

Kaimii paluma, nyakamanya masingimi wane koo joo nakalyepape. Mana koo dupanya nyakama wane ŋaŋa joo kalyepape. Nyakamanya masingimi nyakama endakali angi joo kalyepape.

1 Korina 7:14

Enda Kristene doko mambele akali Gote tungi napingi doko Gotenya latae jingi. Akali Kristene doko mambele enda Gote tungi napingi doko Gotenya latae jingiaka. Dolapo Gotenya latae nanjimbili doko, dolaponya wane dupa Gotenya enombanya kaimala pipae katamili. Dopaka doko, indupa wane dupa Gotenya latae kalyamino.

Roma 11:28

Israele dupame wai pii epe doko yandapipi jiamino dokonya-kaita, nyakama akali tata waka dupa nisepae nyilyamino. Dopaka doko, Goteme Israele dupanya yumbange Abraamepi, Aisakepi, Jekopepi dutupa yapao nyia dokonya, baame Israele dupa auu kaenge.

Roma 11:16

Breta wambao wasepae doko Gotenyana lao nee nyetae-tamo doko, palao doko apata Gotenyana lao nee nyetaeyaka. Dopaka pyoo, ita pingi doko Gotenyana lao nee nyetae-tamo doko, ita dokonya wangya dupa apata Gotenyana lao nee nyetaeyaka.

Aposole 3:25

Nyakama propeta dupanya mandipaenya mandipae dupa kalyamino. Goteme Abraame lamaiyoo, ‘Embanya mandipaenya mandipae mende-kisa yuunya akali tata palitami dupa pitaka nisepae nyetamina’ lea-pyaa. Goteme nyakama apata masetala, naimanya yumbange dupa-kisa pii doko lao yaki pinya setea-pyaa.

Aposole 2:39

Goteme Oli Spirita doko ditona lao pii lanya setea doko nyakamapi, nyakamanya wanepi, yuu etete londati tangepi, naimanya Kamongo Gote dokome wii lao nyeta endakali dupa pitakanya lao lanya setea-pyaana” lea.

Make 8:33

Dopa leamopa Jisasa kapilyetala, baanya disaipolo dupa kandatala, Pita pyalanya lao, “Satane, embame Gotenya masingili pyoo nalenya, endakalinya masingili pyoo lelyenona, embame namba yakinatala puu” lea.

Make 3:5

mona kana jiaminosa, Jisasame imbu kaeyao dokaita kandayoko latala, akali doko lamaiyoo, “Embanya kingi doko tinoko” lea. Dokopa baanya kingi doko tinokeamopa, kingi doko auu petala kingi yangi epe dopaleaka jia.

Matyu 5:3

“Endakali imambunya daa jepae dupa Goteme auu pisingi. Kingdom kaiti-kisa singi doko auu pisetae dupanya.

Matyu 5:10

“Gotenya mana tolatae dupa minilyaminosa tanda nyingima endakali dupa Goteme auu pisingi. Kingdom kaiti-kisa singi doko auu pisetae dupanya.

Jone 3:3

Dopa leamopa Jisasame baanya pii yanu pyakamaiyoo, “Nambame emba etete kiningi langilyo: Endakali mende dee ŋaŋa joo manja naeyatamo doko, Gotenya kingdom doko baame kapa pao nakandatana” lea.

Jone 3:5

Dopa leamopa Jisasame yanu pyao, “Nambame emba etete kiningi langilyo: Endakipa Spiritapa dolapome endakali mende ŋaŋa joo manja naeyatamo doko, Gotenya Kingdom dokonya kapa pao kolandala naeyata.