Make 1:38 - Enga Niu Tesamene

³⁸ Dopa leaminopa Jisasame dokaita lamaiyoo, “Nambame endakali dupa pitaka wai pii epe doko lamaipenge. Tenge dokonyaka namba epeona, taono yakane tengesa silyamo dupanya apata pii lamaitoo mua” lea.

Make 1:38 Referans Kwoze

Luku 4:43

Dopaka doko Jisasame dokaita lamaiyoo, “Gotenya kingdom dokonya wai pii epe doko taono waka dupa pitakanya apata lamaipenge. Tenge dokonyaka Goteme namba puu leana” lea.

Jone 17:8

Embame pii lamaipi lao namba langiino dupa nambame dokaita lamaitio. Pii lamaiyo dupa dokaitame soo nyepala, kiningi embame namba puu lea-lamo lao masilyamino.

Jone 17:4

Namba isa yuu dakenya katao, emba kenge andake ditio. Nambame kalai pyaale lao diino dupa pyoo etapeo.

Jone 16:28

Namba Takange-kisa katao isa yuu dakenya epeo. Indupa isa yuu dake yakinatala Takange katenge dokonya patoana” Jisasame lea.

Luku 2:49

Dokopa Jisasame dolapo lamaiyoo, “Aipuma nyakambame namba kutao paeyambi? Nambanya Takangenya anda dakenya namba katapengena lao masala naeyambipi?” lea.

Jone 9:4

Yuu kuilyamopa endakali mendeme kalai napingi. Tii pilyamo dakepa, namba puu lea Akali dokonya kalai dupa nambame yakinala naeyao pyakamaipenge.

Make 1:37

Pao kandatala dupame baa lamaiyoo, “Endakali dupa pitakame emba kutilyaminona” leami.

Make 1:39

Dopa latala baame Galali yuu doko pitakanya paeyao, dokaitanya lotuu anda dupanya pii lamaita, imambu koo dupa watao pyata pyakamaiya.