Luku 9:56 - Enga Niu Tesamene

⁵⁶ Akalinya Ikiningi dokome endakali koeyasotoo latala naepea. Endakali pyoo nyotoo latala epeana” lea. Dopa latala, dokaita yuu yakane waka mendenya peami.

Luku 9:56 Referans Kwoze

Roma 12:21

Mana koo dupame nyakama ita minina lao kalya naenya, nyakamanya mana epe minatami dupame mana koo dupa ita minina lao kalyepape.

Matyu 20:28

Dopaka pyoo, Akalinya Ikiningi dokome baanya kalai pyekena lao naepea. Baame endakali dupanya kalai pyakamaiyoo, baa kumata dokome endakali longo sambao nyalanya epeana” lea.

Jone 3:17

Isa yuu dakenya endakali dupa-kisa tenge setapala tanda maitamopa lao, Goteme baanya Ikiningi doko isa yuu dakenya epena laa naeya. Baanya Ikiningi dokome isa yuu dakenya endakali dupa pyoo nyina lao epena lea.

Jone 10:10

Pake nenge dokome sipisipi dupa pake nyepa, koeyaseta, pyao kumaseta pyaanya epenge. Dopaka doko, namba epeo doko, sipisipi dupa lete katenge doko nyepala, auu pyoo katataminopa lao epeo.

Luku 19:10

Aipumape, Akalinya Ikiningi dokome endakali alu petae dupa kutao pyoo nyalanya epeana” lea.

Matyu 18:10

“Wane koo datupanya enjele dupame koteaka lao nambanya Takange kaiti-kisa katenge dokonya enomba kandengemana, nyakamame dupanya mendaipi mende kandanya palyala naeyalapape lao nambame nyakama langilyo.

1 Timoti 1:15

Pii lapae dake kiningina lao soo nyepenge: Endakali koo pingi dupa pyoo nyalanya, Jisasa Kraisa baa isa yuu dakenya epea. Endakali koo pingi dupa pitaka ita minao, nambame etete koo pyoo kateo.

Jone 12:47

Namba isa yuu dakenya epeo doko, endakali dupa yapalanya naepeo. Nambame endakali dupa pyoo nyalanya epeo. Tenge dokonya, endakali mendeme nambanya pii dupa sepala wata-minala naeyatamo doko, nambame baa yapala naeyatoaka.

Luku 23:34

Pyao yukuiyaminopa Jisasame lao pituu, “Apane, dakaitame masala naeyao pilyaminona, dupanya koo dupa kame sakamaipi” lea. Dokopa amii dupame baanya yonge pee dupa mokosoo nyemana latala laki piami.

Luku 22:51

Dokopa Jisasame lao pituu, “Dopa napinya kaeyalapa!” lea. Dopa latala baame akali dokonya kale doko kingimi watandeamopa, katengeli pia.

Matyu 5:39

Dopaka doko, nambame nyakama dapa langilyo: Endakali mendeme emba-kisa koo mende pia-kandeno doko, pina kaeyape. Endakali mendeme embanya wakena tolaetena kingi kapeme pia-kandeno doko, yangitena apata pina maipi.

Luku 9:55

Dopa leambinopa, Jisasame kapilyetala dolapo pyalanya lao dapa lea: “Spirita mende nyakamba-kisa palelyamo doko dopalena lao nyakambame masala naelyambino.

Luku 9:57

Dokaita kaitinisa peaminopa, akali mendeme Jisasa lamaiyoo, “Kamongo, emba paeyate dupanya nambame emba watao ipatoana” lea.

Matyu 18:11

Aipumape, Akalinya Ikiningi dokome endakali alu petae dupa pyoo nyalanya epea.