Luku 9:55 - Enga Niu Tesamene

⁵⁵ Dopa leambinopa, Jisasame kapilyetala dolapo pyalanya lao dapa lea: “Spirita mende nyakamba-kisa palelyamo doko dopalena lao nyakambame masala naelyambino.

Luku 9:55 Referans Kwoze

Revelesene 3:19

Nambame endakali auu kaelyo dupa pitaka pyalanya latala mana maiyoo tolasingi. Dopana, emba nee kaeyao mona kapilyepe.

1 Pita 3:9

Nisepae mende nyetaminopa lao Goteme nyakama wii lao nyia. Dopana, endakali dupame nyakama koo pingitaminopa, nyakamame itingi koo pimaiya naeyalapape. Endakali dupame nyakama pii koo lataminopa, itingi pii koo laa naenya, pii epe lapape.

Matyu 26:51

Anjiaminopa Jisasa-pipa kateami dupanya mendeme baanya konjuwa doko kolanyetala, prisa mupa dokonya kalai akali dokonya kale doko lyanya nepea.

Matyu 26:41

Nyakamanya moname pyoani kaeyamupa, yongeme papa tambuilyamona, makande pipae dupanya nyakama isa pyakala naeyamana lao loma soo kandao isoo kalyepape” lea.

Matyu 26:33

Dokopa Pitame Jisasa lamaiyoo, “Emba-kisa pita dupa kandatala yangi dupa pitaka isa pyakataminopa, tanga-tangapi namba isa pyakala naeyatona” lea.

Matyu 16:23

Dopa leamopa Jisasa kandapilyetala Pita lamaiyoo, “Satane, embame Gotenya masingili pyoo nalenya, endakalinya masingili pyoo lelyeno dokome nambanya kaita lyokekelyenona, embame namba yakinatala puu” lea.

Jemesa 3:10

Pii epe lao lalyingi dokopa, endakali koeyasingi dokopa, dolapo lapota nenge-kaita mendai dokonyaka pyakalyingi. Nambanya kaimii paluma, dolapo lapota nenge-kaita mendai dokonyaka pyakalyina laa naeyalapape.

Luku 9:54

Dopa piami doko baanya disaipolo Jemesapa, Jonepa dolapome kandatala Jisasa lamaiyoo, “Kamongo, Ilaijame piali pyoo, nalimbame kaiti-kisa katao itate kaiyepae mende isa epena latala, endakali dokaita yangao nepena lapale lao masilyipi?” leambi.

Luku 9:56

Akalinya Ikiningi dokome endakali koeyasotoo latala naepea. Endakali pyoo nyotoo latala epeana” lea. Dopa latala, dokaita yuu yakane waka mendenya peami.