Luku 9:45 - Enga Niu Tesamene

⁴⁵ Pii dokonya tenge doko disaipolo dupame nanyiami. Pii doko yalo petae katea dokonya, baame pii lea doko auu pyoo masala naeyapala, pii dokonya baa tipa pyaanya paka kaeyami.

Luku 9:45 Referans Kwoze

Luku 18:34

Pii dokonya tenge doko disaipolo dutupame nanyiami. Pii doko yalo petae katea dokonya, baame pii lea dupa auu pyoo masala naeyamiaka.

Jone 12:16

Dopa pitana lao pepa pyapae singi doko gii dokopa Jisasanya disaipolo dupame masala naeyami. Dopaka doko, maitakao Jisasa kenge andake nyepeamopa, baame pia dupa pitaka pitana lao pepa pyapae singili pyoo pia-lamo lao masiami.

Luku 2:50

Dopa leamopa, dolapome baanya pii lea dokonya tenge doko soo nanyiambi.

Make 9:32

Pii dokonya tenge doko disaipolo dupame nyala naeyapala, Jisasa tipa pyaanya paka kaeyami.

Jone 14:5

Dopa leamopa Tomasame baa lamaiyoo, “Kamongo, emba anja pelyepe lao masala naelyamano dokonya, naimame aipa petala kaitini doko, dokona lao masetamape?” lea.

Jone 12:34

Dopa lateamopa endakali kambu dokome baa lamaiyoo, “Kraisa doko tanga-tangapi kataowaka katatana lao Mosesanya loo dupanya lapae singi doko naimame siama. Dopana, ‘Akalinya Ikiningi doko endakali dupame minalyepengena’ lelyeno doko embame aipa pyoo lelye? Akalinya Ikiningi doko apipi?” leami.

Make 9:10

Baame pii lea doko dutupa-kisa sina kaeyapala, kumapala sakatapengena lamo dokonya tenge doko aipa pyoo laape lao dutupa yango-lapo leami.

Matyu 16:22

Dopa leamopa, Pitame Jisasa baa laminao umbisale pupala, tee pyao pyalanya lao, “Kamongo, embame lelyeno doko emba-kisa dopa napinana” lea.

Luku 9:46

Dokopa disaipolo dupame nyakamanya api alyasale joo kalyape lao nyakama-lapo pii yanda piami.

Matyu 17:22

Jisasa baanya disaipolo dupa-pipa Galali paeyao pituu baame dokaita lamaiyoo, “Akalinya Ikiningi doko akali dupanya kinginya maiyanya pilyamo.

Jone 4:33

Dopa leamopa disaipolo dupame nyakama-lapo laloo pyoo, “Endakali mendeme baa nee nena lao maiya ipata aipape?” leami.