Luku 9:44 - Enga Niu Tesamene

⁴⁴ “Nyakamame pii datupa kaleme sokondape pyoo salapape: Akalinya Ikiningi doko akali dupanya kinginya maiyanya pilyamona” lea.

Luku 9:44 Referans Kwoze

Aposole 2:23

Tanga pita kandenge Gote dokome dopa pitana lao masiali pyoo, nyakamame Jisasa anjiami. Dopa petala, nyakamame baa pyao kumasemana latala, loo yalenge akali mendapuanya kinginya maiyaminopa, dupame baa pyao yukuiyami.

Luku 9:22

Dopa latala baame dapa lea: “Juumanya isingi akalipi, prisa mupapi, Mosesanya loo mana nyepaepi, dupame Akalinya Ikiningi doko maita maitaminopa baa pyao kumasepenge. Dokopa Akalinya Ikiningi doko tanda longo nao kumapatamopa, yuu gii tepo dokonya baa sakatatana” lea.

Ibru 2:1

Tenge dokonya, pii siamano dupa yakinatamana, naimame pii siamano dupa etete masokondape pyoo masoo katapenge.

Luku 2:19

Dopaka doko, Mariame pii dutupa pitaka baanya monanya nyoo mandipala masoo petea.

Jone 19:11

Dopa leamopa Jisasame yanu pyao, “Yakana lapenge kyeto doko Akali Ketae Katenge dokome emba nandiali doko, embanya kyeto dokome namba mende napipili. Dopana, namba anjoo emba dyomo akali dokome emba ita minao koo etete andake mende pyomona” lea.

Jone 16:4

Tee pyao namba nyakama-pipa kateamano dokonya, pii langilyo datupa nambame nyakama langya naeyo. Dopaka doko, angi pita gii dokopa, dopa leana lao nyakamame masetaminopa lao indupa nambame nyakama pii datupa langilyona” lea.

Luku 24:44

Napala baame dokaita lamaiyoo, “Namba nyakama-pipa kateamano gii dokopa, pii nyakama langio dupa dapa lao leo: Mosesanya loo dupanyapi, Propeta dupanyapi, Wee Buku dokonyapi, dupanya pii namba lao pepa pyapae singi dupa pitaka angi jepenge jilyamona leona” lea.

Luku 18:31

Jisasame 12 disaipolo dutupa lanyepala dokaita lamaiyoo, “Salapape! Naima lalyoo Jerusalema pelyamano. Pupala katatamanopa, Akalinya Ikiningi doko-kisa mendapu pitana lao propeta dupame pepa pyanya seteami dupa pitaka angi jeta.

Luku 2:51

Baanya endangi takangepa dolapo-pipa baa lanao Nasarete pupala, dolaponya pundipundi katea. Dokopa pia dutupa pitaka baanya endangi dokome monanya nyoo mandyoo petea.

Luku 1:66

Lapae siami endakali dupa pitakame lao pituu, “Wane dake aipale mende katatape” lao, pia dutupa nyakamanya moname masoo kateami. Dokopa Kamongonya kyeto doko wane doko-kisa sia.

Make 9:31

Tenge doko, Jisasame baanya disaipolo dupa mana lamaiyanya dopa lao masia. Baame lao pituu, “Akalinya Ikiningi doko akali dupanya kinginya maiyanya pilyamo. Maitatamopa dupame baa pyao kumasetami. Kumasetataminopa baa yuu gii tepo dokonya malunya sakatatana” lea.

Make 8:31

Dokopa Jisasame dokaita tee pyao mana lamaiyoo, “Akalinya Ikiningi doko tanda longo napenge. Juumanya isingi akalipi, prisa mupapi, Mosesanya loo mana nyepaepi dupame baa maita maitaminopa baa pyao kumasepenge. Kumasetataminopa yuu gii tepo dokonya baa sakatatana” lea.

Matyu 26:2

“Pasopa gii doko ipanya yuu gii lapoma silyamo doko nyakamame masilyamino. Gii dokopa Akalinya Ikiningi doko poko itanya pyao yukuina lao amii dupanya kinginya maitana” lea.

Matyu 16:21

Gii dokopa Jisasame baanya disaipolo dupa tee pyao panao dapa lamaiya: “Namba Jerusalema pupenge. Patopa Juumanya isingi akalipi, prisa mupapi, Mosesanya loo mana nyepaepi, dupame namba tanda longo ditaminopa namba pyao kumasepenge. Kumasetataminopa, yuu gii tepo dokonya Goteme namba sakatasetana” lea.

Jone 16:31

Dokopa Jisasame dokaita lamaiyoo, “Indupa nyakamame dopa lao masilyamipi?