Luku 9:24 - Enga Niu Tesamene

²⁴ Endakali mendeme baa lete katatoana lao masetala, baa tange pyoo nyalanya pitamo dokome baanya lete katenge doko yakinata. Dopaka doko, endakali mendeme namba masetala, baanya lete katenge doko yakinata dokome baanya lete katenge doko pyoo nyeta.

Luku 9:24 Referans Kwoze

Luku 17:33

Endakali mendeme baa lete katatoana lao masetala, katapenge kaitini kutatamo dokome baanya lete katenge doko yakinata. Dopaka doko, endakali mendeme baanya lete katenge doko yakinata dokome baanya lete katenge doko nyeta.

Jone 12:25

Dopana, endakali mendeme baanya lete katenge doko auu kaeyatamo dokome, baanya lete katenge doko yakinata. Dopaka doko, endakali mendeme isa yuu dakenya lete katenge doko maka kaeyatamo dokome, baanya lete etete katenge doko nyeta.

Revelesene 2:10

Dopana, emba tanda nyepenge dupanya paka nakaeyape. Nyakamanya mendapu makande pina lao Sataneme anjinya pyandalapomo. Dokopa yuu gii akalita dutupanya kenda mendapu nyakama-kisa ipapomo. Dopa pyaapomona, nyakamame Gote tungi pingi doko yakinala naeyao minatae katao, kumingi gii doko kandao nyalapape. Dopa pitaminopa, lete katenge dokonya kiŋi balu doko nambame nyakama dito.

Revelesene 12:11

Sipisipi Ŋaŋa dokonya taeyoko dokopa, Kristene kaiminingi dupame kiningi pii doko lao paneami dokopa, dolapome Satane doko ita miniami. Ita minao pituu, dupame nyakamanya lete katenge doko auu nakaeyao, kumingi doko paka nakaeyaowaka piami.

Ibru 11:35

Enda mendapuame nyakamanya endakali kumapae dupa sakatateaminopa tange kopyoo nyiami. Gote maita maitamino doko mokamanana latala, endakali mendapu tanda andake maiyami. Dopa piamiaka doko, tanda nyiami endakali dokaitame nyakama malunya sakatatala, lete katenge etete epe doko nyetamana lao masetala, Gote maita maiya naeyamana lao tanga leami.

Matyu 10:39

Endakali mendeme baa lete katatoana lao masetala katapenge kaitini kutatamo dokome baanya lete katenge doko yakinata. Endakali mendeme namba masetala, baanya lete katenge doko yakinata dokome baanya lete katenge doko kandao nyetana” lea.