Luku 8:48 - Enga Niu Tesamene

⁴⁸ Dokopa Jisasame baa lamaiyoo, “Wanenge, emba mona kenda nakaeyape. Embame namba tungi pyapi dokome, embanya yaina doko etelyamona, emba mona yaepatala puu” lea.

Luku 8:48 Referans Kwoze

Luku 7:50

Dokopa Jisasame enda doko lamaiyoo, “Embame namba tungi pilyino dokome emba pyoo nyepelyamona, mona yaepatala puu” lea.

Matyu 9:22

Dokopa Jisasa kapilyetala, enda doko kandatala baa lamaiyoo, “Wanenge, embame namba tungi pyapi dokome, embanya yaina doko etelyamona, emba mona kenda nakaeyape” lea. Dopa lea gii dokopaka, enda dokonya yaina doko etea.

Ibru 4:2

Naimanya yumbange dupame wai pii epe doko siamiliaka pyoo, naimame wai pii epe doko siama. Dopaka doko, dokaitame pii doko kiningina lao masala naeyaminosa, pii dokome dokaita nisala naeya-pyaa.

Aposole 14:9

Polome pii lea dupa akali dokome soo petea. Dopa piamopa, Polome akali doko kandakondape pyoo kandeamopa, Jisasa tungi pingi doko akali doko-kisa siamosa, baanya moko dolapo auu pyaapomona lao Polome masia.

Luku 17:19

Dopa latala Jisasame akali doko lamaiyoo, “Embame namba tungi pyapi dokome embanya kopetali yaina doko etelyamona, emba sakatatala puu” lea.

Make 5:34

Dokopa Jisasame baa lamaiyoo, “Wanenge, embame namba tungi pyapi dokome, embanya yaina doko etelyamona, emba yaina etapae doko mona yaepatala puu” lea.

2 Korina 6:18

Lanyepala namba nyakamanya takange katatopa, nyakama nambanya ikiningi wanengepi katatamina’ lao Kamongo Eteteaka Kyeto dokome lelyona” lapae silyamo.

Luku 18:42

Dopa leamopa Jisasame baa lamaiyoo, “Embame namba tungi pilyino dokome, embanya lenge dolapo auu pisekelyamona, emba lenge auu pyoo taa” lea.

Matyu 8:13

Dopa latala Jisasame amii 100 isingi doko lamaiyoo, “Nambame pyakalapeno lao masetala embame namba tungi pilyino dokonya-kaitaka pyaapomona puu” lea. Dopa lea gii dokopaka, baanya kalai akali doko saka pea.

Matyu 12:20

Kembo maitange tambapae mende baame etete lakanyala naeyata. Ita langa konjalanya kii lao seta mende baame etete konjala naeyataka. Dopa pyoo katao, mana tolatae dokome koo dupa pitaka ita minina lata gii dokonya tuu lata.

Matyu 9:2

Pateamopa, akali mendapuame akali papa tambutae mende lapa toko dokonya soo baa katea dokonya epeami. Dokopa akali dokaitame tungi piamino doko Jisasame kandatala, papa tambutae doko lamaiyoo, “Nambanya ikiningi, embanya koo dupa kunao nepatae kalyenona, emba mona kenda nakaeyape” lea.

Luku 8:47

Dokopa enda dokome pyoo doko yalo pyoo pyaa naeyalone-lumu lao masetala, baa walu lao putiti piamopa, Jisasa katea dosa ipao tombauli sia. Dopa petala baame Jisasa kingimi watandea tenge dokopa, baanya yaina doko pupae etea dokopa, dolapo endakali dupa pitakanya enombanya lao panea.