Luku 7:47 - Enga Niu Tesamene

⁴⁷ Tenge dokonya nambame emba langilyo: Enda dakenya koo longo dupa kunao nepatae pilyamo dokonya, baa auu andake kaelyamo. Dopaka doko, endakali mendenya koo kuki kunao nepatae kalyamo dokome kukiaka auu kaengena” lea.

Luku 7:47 Referans Kwoze

1 Jone 4:19

Goteme naima wambao auu kaeyamo dokonya, naimame Gote auu kaelyamano.

1 Jone 3:18

Nambanya wane paluma, naimame piimi iki endakali dupa auu kaelyamanona laa naenya, angi pipenge dupa pyoo pituu auu kaelyamanona lapenge.

Galesia 5:6

Akali mende Kraisa-kisa kalyamopa, yanu kepenge dokopa, kepala naenge dokopa, dolapome angi mende napingi. Jisasa tungi pyao katao, endakali auu kaenge dokome angi mende pingi.

Roma 5:20

Loo yalenge mana doko andatamopa koo pingi dupa panasina latala, Mosesanya loo dupa epea-pyaa. Koo pingi mana dupa andeamopa, Gotenya kondo kaenge doko etete andake pyoo andeaka-pyaa.

Epesusa 6:24

Naimanya Kamongo Jisasa Kraisa doko auu kaeyaowaka katenge endakali dupa pitaka-kisa Gotenya kondo kaenge doko sipya laka lao masilyo. Doko kiningi.

1 Jone 5:3

Naimame Gotenya mana setapae dupa wata-minilyamano dokome, naimame Gote auu kaengena lao panasingi. Baanya mana setapae dupa naimame wata-minalanya kenda nakaenge.

1 Timoti 1:14

Naimanya Kamongo dokome baanya kondo kaenge doko namba-kisa etete tumbasetakala, Gote tungi pingi dokopa, endakali auu kaenge dokopa, dolapo Jisasa Kraisa-kisa singi dolapo namba dia.

Pilipae 1:9

Endakali auu kaenge mana doko nyakama-kisa andatamopa, masepae epepi, koo epe lao yapenge manapi, dupa nyakamame nyema-nyema pyoo nyalapale lao, nambame nyakamanya loma sekenge.

Aposole 5:31

Israele tata dupa mona kapilyetaminopa, dupanya koo dupa kunao nepakamaitopa lao Goteme baa sakatasetala, kaiti-kisa lanyoo pea. Pupala baanya kingi tolaetena Isingi Akalipa, Pyoo Nyingi Akalipa petena lea.

1 Jone 1:7

Dopaka doko, baa tii pipae dokonya katengeli pyoo, naima tii pipae dokonyaka paeyatamano doko, naima pitaka mona setao katatamanosa pita. Dopa pitamanopa, baanya Ikiningi Jisasa Kraisanya taeyoko dokome naimanya koo dupa pitaka kunao nepatakala naima pyoo waseta.

Luku 7:39

Dopa pia doko Jisasa epena lea Parasi dokome kandatala masoo pituu, “Enda doko koo pingina, akali dake kiningi propeta-pyali doko, baa watandelyamo enda doko dopalena lao baame kandapyalina” lao masia.

Matyu 10:37

Endakali mendeme baanya endangipa, takangepa mende moname etete auu kaeyapala, yongeme iki namba auu kaeyatamo doko, baa kapa pao namba tata nakatata. Endakali mendeme baanya ikiningipi, wanengepi mende moname etete auu kaeyapala, yongeme iki namba auu kaeyatamo doko, baa kapa pao namba tata nakatataka.

2 Korina 5:14

Naima pitakanya panda nyoo akali mendai kumia-tamo doko, naima pitaka dokonya kumiamakana lao masilyamano. Dopa lao masilyamano dokonya, Kraisanya auu kaenge dokome naima kalai pyepale lao mona sakatasekenge.

Luku 7:46

Embame nambanya aiyombanya olipi ipangeme kai napyakaleno doko, enda dakeme nambanya moko dolapo wele tunduma pipae mendeme kai pyakalamo.

Luku 7:48

Dopa latala Jisasame enda doko lamaiyoo, “Embanya koo dupa kunao nepatae pilyenona” lea.