Luku 7:43 - Enga Niu Tesamene

⁴³ Dopa leamopa Saimoneme yanu pyao, “Yanu andake sina kaeya-lumu akali dokome etete auu kaeyana lao nambame masilyona” lea. Dokopa Jisasame baa lamaiyoo, “Embame tolao yapatala lelyenona” lea.

Luku 7:43 Referans Kwoze

Luku 10:38

Jisasa baanya disaipolo dupa-pipa kaitini pao, yuu yakane mendenya pyakameaminopa, enda Mata lenge mendeme Jisasa baanya andaka epena lao andiki pyoo lanyia.

Luku 7:47

Tenge dokonya nambame emba langilyo: Enda dakenya koo longo dupa kunao nepatae pilyamo dokonya, baa auu andake kaelyamo. Dopaka doko, endakali mendenya koo kuki kunao nepatae kalyamo dokome kukiaka auu kaengena” lea.

Make 12:34

Akali dokome masetala auu pyoo yanu piamo doko Jisasame kandatala baa lamaiyoo, “Gotenya kingdom dokonya emba londatili nakalyenona” lea. Dopa lateamopa, endakali mendaipi mendeme baa pii mende dee tipa pyaanya paka kaeyami.

Matyu 18:27

Dopa leamopa, kalai akali dokonya akali andake dokome baa kondo kaeyapala, baanya yanu dupa kaeyapala kaeya.

Luku 7:42

Akali dolapome yanu dutupa pyapenge nanjiamo kandatala, yanu dutupa lapota-kisa sina kaeya. Dopa pia-lumu dokonya, akali dolaponya andukumi baa etete auu kaeyape lao embame namba langi” lea.

Luku 7:44

Dopa latala baame enda doko enomba maitae katao Saimone lamaiyoo, “Embame enda dake kandelyepe? Namba embanya andaka ipupupa, embame nambanya moko wasa pyatale lao endaki nandyeno doko, enda dakeme baanya ee ipangeme nambanya moko tombe lasetakala, baanya aiyomba itimi kunao nepakalamo.