Luku 7:40 - Enga Niu Tesamene

⁴⁰ Akali dokome masiamo doko Jisasame kandatala baa lamaiyoo, “Saimone, nambame pii mende emba langitoo” lea. Dopa leamopa Saimoneme baa lamaiyoo, “Mana Lenge, laa” lea.

Luku 7:40 Referans Kwoze

Jone 16:30

Embame dupa pitaka kandenge dokonya, endakali mendeme emba tipa pyaa naelyamopa, embame wambao baanya tipa pipenge dupa kandenge. Tenge dokonya, kiningi emba Gote-kisa katao epea-lamo lao indupa naimame masilyamanona” leami.

Jone 16:19

Dokopa Jisasame baa tipa pimana lao masiami doko kandatala dokaita lamaiyoo, “ ‘Gii kuki mendatupa patatamopa, nyakamame namba kanja naeyalamino. Gii kuki mendatupaka patatamopa, nyakamame namba kandatamina’ lelyo dokonya nambame aipa pyoo lelyape lao nyakama-lapo tipa pilyamipi?

Jone 13:13

Nyakamame namba Mana Lenge lata, Kamongo lata pilyamino doko namba dokoakana, nyakamame tolao lelyamino.

Jone 3:2

Akali doko kuka gii mendenya Jisasa petea dokonya ipupala baa lamaiyoo, “Mana Lenge, Gote doko endakali mende-pipa nakalyamopa, endakali dokome embame mirakolo pilyino dopale mende napingi. Tenge dokonya, embame naima mana langyale lao Goteme puu leana lao masilyamanona” lea.

Luku 18:18

Isingi akali mendeme Jisasa tipa pyoo, “Mana Lenge Epe, lete etete katenge doko nambame aipa petala nyotope?” lea.

Luku 6:8

Dokaitanya masiami dupa Jisasame kandatala, baame kingi talyanga doko lamaiyoo, “Emba sakatatala, endakali pitakanya enombanya kalya ipu” lea. Dopa leamopa akali doko sakatatala ipao katea.

Luku 5:31

Dokopa Jisasame dokaitanya pii yanu pyakamaiyoo, “Endakali yaina napingi dupa dokosa yangyala naenge. Endakali yaina pyapae dupa dokosa yangingi.

Luku 5:22

Dopa lao masiami dupa Jisasame kandatala dokaita lamaiyoo, “Aipuma nyakamanya moname dopa lao masilyami?

Matyu 7:22

Yuu etatamo gii dokopa, endakali longome namba langyoo, ‘Kamongo, Kamongo, naimame embanya kenge dokonya tanga dopale mende pitana lao pii lamaiyama. Naimame embanya kenge dokonya imambu koo longo mendapu watao piama. Naimame embanya kenge dokonya mirakolo longo mendapu piamakana’ latami.

Matyu 26:49

Jisasa katea dokonya Judasa tolao pupala lao pituu, “Mana Lenge, kuakama!” lea. Dopa latala baa nunu pia.

Luku 7:39

Dopa pia doko Jisasa epena lea Parasi dokome kandatala masoo pituu, “Enda doko koo pingina, akali dake kiningi propeta-pyali doko, baa watandelyamo enda doko dopalena lao baame kandapyalina” lao masia.

Luku 7:41

Dokopa Jisasame lao pituu, “Muni yanu maingi akali mendeme akali lapoma muni yanu maiya. Mende doko silipa muni 500 maiya. Mende doko silipa muni 50 maiya.