Luku 6:49 - Enga Niu Tesamene

⁴⁹ Dopaka doko, nambanya pii doko sepala wata-minala naenge endakali doko baa, akali mendeme anda muku mende yuu kyeto mendenya minala naenya, mee yuu-kisa anda piamo dopale. Anda peteamopa, endaki andake lyepala anda doko piamopa, anda doko takyulu pia. Takiamo dokome, oapi dupa pitaka koeyana” Jisasame lea.

Luku 6:49 Referans Kwoze

Matyu 23:3

Dopana, dupame wata-minalapape latami dupa pitaka nyakamame wata-minalapape. Dopaka doko, dupame mana lelyaminoli pyoo, nyakama tange wata-minala naengemana, dupanya mana minilyamino dupa nyakamame minala naeyalapape.

1 Jone 2:19

Yandapipi dokaita naima-pipa kateamanoaka doko, yakinatala peamino dokome, dokaita naimanya daa-lamo lao kandeama. Dokaitame naima yakinala naeyao naima-pipa tole kateamali doko, dokaita naima tata-lamo lao kandeamali. Dopaka doko, naima yakinatala peamino dokome, dokaita naimanya daa-lamo lao panea.

Jone 15:2

Namba-kisa katao dii namandenge wangya dupa baame kepao nepata, dii mandenge wangya dupa auu pyoo dii longo mandena lao waseta pingi.

Luku 12:47

Kalai akali mendeme baanya akali andake dokonya maseta doko kandataka doko, kalai pyaanya depa nalao, akali andake dokonya masetali pyoo napyoaka pitamo doko, baa konjame longo lao pyao indyeta.

Luku 6:46

“Nyakamame nambanya pii doko wata-minala naelyamino doko, aipuma namba ‘Kamongo, Kamongo’ lelyami?

Make 4:17

gii kuki mendatupa auu pyoo katengema. Dopaka doko, pii doko mambele kenda dupa epelyamopapi, endakali waka dupame dokaita tanda maiyoo koeyasilyaminopapi, pii doko dokaita-kisa pingi pyala naenge dokonyana, dokaita pupae isa pyakengema.

2 Pita 2:20

Pyoo Nyingi Kamongo Jisasa Kraisa doko endakali dupame doko-lamo lao masiamino dokonya-kaita, endakali koeyasingi yuunya mana kaimala pipae dupa yakinao paka pupala, pilyoo mana dupa dee minatamino doko, dutupame minapeta setamopa, wamba kopeta kateaminoaka doko, maitakao etete kopeta katatami.

1 Tesalonaika 3:5

Tenge dokonya, nambame gii mendatupa apata malisepenge nanjiamosa, nyakama aipa pyoo Kraisa tungi pyao kalyamipi lao kanjanya, Timoti nyakama kateami dokonya epena leo. Makande pingi akali dokome nyakama makande pitamopa, naimanya kalai lekeleke tao piamano doko angi mende nanjetame-latala epena leo.

Aposole 26:11

Nambame paa longosa lotuu anda dupa pitakanya Kristene dupa tanda maiyoo koeyasoo, Jisasa lao nepena lao pyalanya pyoo paeyo. Nambame Kristene dupa eteteaka imbu kaeyapala, tanda maitoo lao siti waka dupanya apata kutao paeyoakana” lea.

Aposole 20:29

Namba patatopa, yana kapu mendapu nyakama katatami dokonya ipupala, Gotenya sipisipi dupa kaeyala naeyao koeyasetamina lao nambame masilyo.

Luku 19:27

Nambanya yandapipi dupame namba kiŋi nakalyale lao masiamino dupa asa laminao ipupala, nambanya enombanya pyao kumasalapa’ leana” Jisasame lea.

Luku 19:14

Pateamopa akali dokome isepenge endakali dokaitame baa imbu kaeyapala, ‘Akali doko baa naimanya kiŋi nakatena lao masilyamanona’ lao maitakao wai minao pena leami.

Matyu 24:10

Dokopa endakali longome namba tungi pingi doko yakinatala, nyakama-lapo imbu kaeyao pyaloo petala, yandapipi dupanya kinginya mende mai-mai pitami.

Luku 6:48

Endakali doko baa, akali mendeme baanya anda pyaanya, yuu kyeto mendenya muku minapala anda piamo dopale. Anda peteamopa, endaki andake lyepala anda doko piamopa, yuu kyeto mendenya petae dokonyana, emapi mende napia.

Luku 7:1

Endakali dupame siaminopa, Jisasame baanya pii dutupa lamaiyoo etapala, baa Kapename pao pyakamea.