Luku 6:48 - Enga Niu Tesamene

⁴⁸ Endakali doko baa, akali mendeme baanya anda pyaanya, yuu kyeto mendenya muku minapala anda piamo dopale. Anda peteamopa, endaki andake lyepala anda doko piamopa, yuu kyeto mendenya petae dokonyana, emapi mende napia.

Luku 6:48 Referans Kwoze

Judu 1:24

Goteme dupa isa pyakala naena lao isoo katapala, dupa-kisa koo tengepi mende nasina lao etete mona yaepasetala, laminao baanya tii pipae dokonya penge.

1 Jone 2:28

Wane paluma, indupa nyakama baa-pipa tole kalyepape. Dopa pitaminopa, baa panao ipatamopa, baanya enombanya nyakama elya pakapi mende nakaeyao kyeto joo katatami.

2 Timoti 2:19

Anda pipenge kana kyeto mende Gotenya seteamo doko sala-kao silyamo. Kana dokonya dapa lao pepa pyatae kalyamo: “Kamongome baanya endakali dupa, dupana lao kandenge.” Pii mende dapa lao pepa pyatae kalyamoaka: “Jisasa baa Kamongo dokona lao, lao panatami endakali dupa pitakame mana koo dupa yakinapengena” lao pepa pyatae kalyamo.

2 Pita 1:10

Kaimii paluma, nyakamame mana dutupa wata-minao katatamino doko, tanga-tangapi nyakama isa pyakala naeyatami. Dopana, Goteme nyakama wii lao nyepala yapao nyiamo doko nyakamame kyeto tasalanya, etete nee kaeyao mana dutupa wata-minao kalyepape.

Jone 16:33

Nyakama mona yaepao katataminopa lao nambame pii dutupa langilyo. Nyakama isa yuu dakenya katataminopa nyakama-kisa kenda dupa ipataka doko, nambame isa yuu dakenya pupu lapae doko ita minatelyona, nyakama mona kenda nakaeyalapape” lea.

Luku 6:47

Endakali mende namba kalyo dokonya ipupala, nambanya pii dupa sepala wata-miningi doko dopalena lao nambame nyakama laitaka pitoo:

Luku 6:49

Dopaka doko, nambanya pii doko sepala wata-minala naenge endakali doko baa, akali mendeme anda muku mende yuu kyeto mendenya minala naenya, mee yuu-kisa anda piamo dopale. Anda peteamopa, endaki andake lyepala anda doko piamopa, anda doko takyulu pia. Takiamo dokome, oapi dupa pitaka koeyana” Jisasame lea.