Luku 6:44 - Enga Niu Tesamene

⁴⁴ Ita mendenya dii mandelya dupa kandatala, ita doko dopale-lamo lao masingi. Ikililyambu kende dupanya piki dii lyilyamopa, endakali mendeme lyao nanyingi. Lyiki kende dupanya getepe dii lyilyamopa, lyao nanyingiaka.

Luku 6:44 Referans Kwoze

Jemesa 3:12

Nambanya kaimii paluma, piki ita mendeme olipi dii mandengepe, pande getepe kende mendeme piki dii mandenge? Dopaka pyoo, sole endaki lee kuingi dokonya mee endaki lee kuiyala naenge.

Matyu 12:33

“Ita mendenya dii mandelya dupa kandatala, ita doko dopale-lamo lao masingi. Ita mende epe-tamo doko, dii mandita dupa epeaka. Ita mende koo-tamo doko, dii mandita dupa koaka.

Judu 1:12

Endakali dokaita solowata koko sipi koeyapenge kana mendapu yalo pyoo singili pyoo, dokaitanya endakali koeyasepenge mana dupa yalo petala, Kristene yango lao mona setao nee nao petelyami dokonya, elya pakapi nakaeyao ipao petengema. Sipisipi setao katenge akali mendeme sipisipi dupa masala naenya, baa tange iki masoo nee nengeli pyoo, dokaita tange iki masingima. Endakali dokaita aiyuu namandenge, kopa poome soo paenge dopale. Ita dii mandenge gii dokonya dii namandelyamopa, takyoo nepenge dopale joo, endakali dokaita paa lapomasa kumapae joo katengema.

Matyu 7:16

Dokaitanya mana minatami dupa nyakamame kandatala, dupa dopale-lamo lao masetami. Ikililyambu kende dupanya getepe dii lyingipi, pande maku ita dupanya piki dii lyingi?

Matyu 7:20

Dopana, sambo propeta dupanya mana minatami dupa nyakamame kandatala, dupa dopale-lamo lao masetamina” lea.