Luku 6:41 - Enga Niu Tesamene

⁴¹ Embanya lengenya ita lyoo andake sipya doko nakandao, aipuma embanya kaiminingi dokonya lengenya kuni yakane sipya doko kandakamailyi?

Luku 6:41 Referans Kwoze

Jone 8:7

Pepa piamopa, Parasipi, Mosesanya loo mana nyepaepi, dupame Jisasa tipaka pyoo kateaminosa, baa toeya katapala dokaita lamaiyoo, “Nyakamanya mende koo napingi dokome wambao kana mende pyale lao enda dake pyalapa” lea.

Roma 2:1

Dopana, embame endakali yapelyeno dokome emba-kisa koo mende nasilyamona lapenge daa. Endakali waka dupame mana minilyamino dupaka embame miningi dokonya, dupame koelyaminona lao embame yapelyeno dokome emba tange koona lao yapelyenosa pingi.

Matyu 7:1

Jisasame lao pituu, “Nyakamame endakali dupa yapala naeyalapape. Dokopa Goteme nyakama yapala naeyataka.

Luku 6:40

Mana nyingi dokome baanya mana lenge doko ita naminingi. Mana nyingi dokome mana nyoo etapala, baanya mana lenge dopaleaka joo katata.

Luku 6:42

Embanya lengenya ita lyoo andake mende seta doko kanja naeyao, aipa petala embanya kaiminingi doko lamaiyoo, ‘Kaimii, embanya lengenya kuni yakane mende silyamona, nyakatoo kae’ late? Emba mana tolatae miningi manemane pingi dokome, wambao embanya lengenya ita lyoo andake silyamo doko nyoo nepape. Dokopa emba lenge auu pyoo tao, embanya kaiminingi dokonya lengenya kuni yakane seta doko nyoo nepakamaitina” lea.

Make 8:7

Dokaitanya pisa yakane kuki mendatupa apata siaka. Jisasame Gote yaka pilyino latala dutupa apata mokosoo maina lea.