Biblia Todo Logo
Bib sou entènèt

- Piblisite -




Luku 6:30 - Enga Niu Tesamene

30 Endakali mendeme emba-kisa dopale mende tee latamopa, embame maipi. Endakali mendeme embanya oapi mende nyia-kandeno doko, embame peekena laa naeyape.

Gade chapit la Kopi




Luku 6:30
29 Referans Kwoze  

Naimanya Kamongo Jisasa Kraisanya kondo kaenge doko nyakamame masilyamino. Baa Kamongoaka doko, baame nyakama kamongo jisetala nyakama-kisa longo sina lao baa daa jepae mende jia.


Nyakamame kandatala mana nyalapale lao, nambame kalai dupa pitaka kyeto joo pyoo, endakali kyeto nasingi dupa nisoo kateo. Nyakamame dopa pyoo katao, Kamongo Jisasame pii lea dake masepenge: ‘Endakalimi dopale mende dilyaminopa nyalanya auu kaeyapae nyingiaka doko, dopale mende endakali maiyanya auu kaeyapae andake nyingina’  ” lea.


Naima koo pingilyamino dupanya yanu dupa kaelyamanona, embame naimanya koo dupanya yanu dupa kaeyakape.


Dopa leamopa Jisasame sepala akali doko lamaiyoo, “Emba mendai mende daa jilyamona, embanya oapi dupa pitaka salimi latala, endakali daa jepae dupa mokosoo maipi. Dopa pitinopa oapi epe dupa embanya kaiti-kisa sakata. Dopana, emba namba watao ipu” lea.


Nyakamanya oapi dupa salimi latala, endakali daa jepae dupa maiyepape. Dopa pitami dokome, nyakamanya munipi, oapi epepi, etala naenge dupa nuu atingi jala naeyata mendenya mandipala kaiti-kisa setataminosa pita. Yuu dokonya pake nenge mende tengesa naepenge. Dupa neneme nao koeyasala naengeaka.


Nyakamame mona katao endakali daa jepae dupa maiyepape. Dopa pitaminopa, nyakamanya oapi dupa pitaka kaimala napita.


Nyakamanya oapi dupa endakali dupa maiyepape. Dopa pitaminopa, Goteme makande mendai dokomeaka nyakama dita. Baame eteteaka longo lyanda-lyanda lao tumbasetamopa, nyakama-kisa eteteaka tumbatala kai lao patana” lea.


Dopana, nyakamanya kaiminingi mendeme koo pingita dupa monanya katao kame sakamaiya naeyatamino doko, nambanya Takange kaiti-kisa katenge dokome nyakama mendai-mendai dupanya koo pitami dupa kame sakala naeyatakana” lea.


Indupa pituu, pake nenge dupame pake nala naenya, daa jepae dupa mokosoo maimana lao, nyakamanya kingimi lekeleke tao kalai epe pitami dupame muni nyepenge.


Dopaka doko, nambame nyakama dapa langilyo: Endakali mendeme emba-kisa koo mende pia-kandeno doko, pina kaeyape. Endakali mendeme embanya wakena tolaetena kingi kapeme pia-kandeno doko, yangitena apata pina maipi.


Endakali mendeme embanya wakena yangitena kingi kapeme pia-kandeno doko, yangitena apata pina maipi. Endakali mendeme embanya yonge pee kisa pingi doko nyia-kandeno doko, embanya yonge pee isa pingi doko apata nyina kaeyape.


Endakali waka dupame nyakamanya pyakamili lao masetami dopaka pyoo, nyakamame endakali waka dupanya pyakamaiyepape.


Swiv nou:

Piblisite


Piblisite