Luku 6:28 - Enga Niu Tesamene

²⁸ Nyakama Goteme koeyasina latami endakali dupa pii epe lamaiyepape. Nyakama pii koo latami endakali dupanya loma sakamaiyepape.

Luku 6:28 Referans Kwoze

1 Pita 3:9

Nisepae mende nyetaminopa lao Goteme nyakama wii lao nyia. Dopana, endakali dupame nyakama koo pingitaminopa, nyakamame itingi koo pimaiya naeyalapape. Endakali dupame nyakama pii koo lataminopa, itingi pii koo laa naenya, pii epe lapape.

1 Korina 4:12

Naima nee nao katamana lao naimanya kingimi lekeleke tao kalai pingi. Endakali dupame naima lao nepelyaminopa, naimame pii epe dupa lamaingi. Naima tanda dyoo koeyasilyaminopa, naimame tanda dina kaenge.

Roma 12:14

Nyakama tanda dyoo koeyasetami endakali dupa Goteme koeyasina laa naenya, auu pisina lapape.

Jemesa 3:10

Pii epe lao lalyingi dokopa, endakali koeyasingi dokopa, dolapo lapota nenge-kaita mendai dokonyaka pyakalyingi. Nambanya kaimii paluma, dolapo lapota nenge-kaita mendai dokonyaka pyakalyina laa naeyalapape.

Luku 23:34

Pyao yukuiyaminopa Jisasame lao pituu, “Apane, dakaitame masala naeyao pilyaminona, dupanya koo dupa kame sakamaipi” lea. Dokopa amii dupame baanya yonge pee dupa mokosoo nyemana latala laki piami.

Luku 6:27

“Nyakama nambanya pii silyamino dupa dapa langilyo: Nyakamanya yandapipi dupa auu kaeyalapape. Nyakama imbu kaeyatami endakali dupa auu pisalapape.

Matyu 5:44

Dopaka doko, nambame nyakama dapa langilyo: Nyakamanya yandapipi dupa auu kaeyalapape. Nyakama Goteme koeyasina latami endakali dupa pii epe lamaiyepape. Nyakama imbu kaeyatami endakali dupa auu pisalapape. Nyakama pii koo lao tanda dyoo koeyasetami dupanya loma sakamaiyepape.

Aposole 7:60

Dopa latala, baa luma lakapala puu lao, lao pituu, “Kamongo, dakaitame koo pilyamino dakenya embame yanu pyala naeyape” lea. Dopa latala baa kumia.

Luku 6:35

Nyakamanya yandapipi dupa auu kaeyao nisalapape. Dupame dopale mende tee lataminopa nyakamame maitala, yanu pyekena laa naeyalapape. Gote Etete Ketae Katenge dokome endakali koo pingipi, yaka pilyino lao mambo napingipi, dupa nisoo katenge. Nyakamame dopaka pitaminopa, Goteme nyakama baanya ikiningina latala, yole andake mende dita.

Aposole 14:5

Dokopa Juupi, akali tata wakapi, dupanya isingi akalipi, dupame Polopa Banabasapa dolapo mana koo minatala, kaname pyamana leami.