Luku 6:27 - Enga Niu Tesamene

²⁷ “Nyakama nambanya pii silyamino dupa dapa langilyo: Nyakamanya yandapipi dupa auu kaeyalapape. Nyakama imbu kaeyatami endakali dupa auu pisalapape.

Luku 6:27 Referans Kwoze

1 Tesalonaika 5:15

Endakali mendeme endakali mende-kisa koo pitamopa, itingi yanu pyao koo napina lao lamaiyepape. Koteaka lao nyakama-lapopi, endakali wakapi, dupa pitaka-kisa nyakamame mana epe minao kalyepape.

Luku 6:35

Nyakamanya yandapipi dupa auu kaeyao nisalapape. Dupame dopale mende tee lataminopa nyakamame maitala, yanu pyekena laa naeyalapape. Gote Etete Ketae Katenge dokome endakali koo pingipi, yaka pilyino lao mambo napingipi, dupa nisoo katenge. Nyakamame dopaka pitaminopa, Goteme nyakama baanya ikiningina latala, yole andake mende dita.

Galesia 6:10

Dopa pitamana, naimame kalai epe pipenge dupa pyoo, endakali dupa pitaka nisoo katamana. Dopa pyoo katao, Jisasa tungi pingima endakali dupa mupa joo nisemana.

Make 4:24

Dopa latala baame dokaita lamaiyoo, “Nyakamame pii setamili pyoo Goteme nyakama pii langita. Pii setami endakali dupa baame pii mendatupa apata konda pyoo langita. Dopana, nyakamame pii silyamino dupanya tenge dupa masokondape pyepape.

Aposole 10:38

Pii doko dake: Nasarete tange Jisasa doko Goteme Oli Spiritapa, kyetopa dolapome aiyomba minani petala, Gote baa apata kateambi dokonya, Jisasame yuu dupa pitakanya paeyao kalai epe pyoo, Sataneme kenda pisetae endakali dupa auu pisia doko nyakamame masilyamino.

Aposole 7:60

Dopa latala, baa luma lakapala puu lao, lao pituu, “Kamongo, dakaitame koo pilyamino dakenya embame yanu pyala naeyape” lea. Dopa latala baa kumia.

Luku 23:34

Pyao yukuiyaminopa Jisasame lao pituu, “Apane, dakaitame masala naeyao pilyaminona, dupanya koo dupa kame sakamaipi” lea. Dokopa amii dupame baanya yonge pee dupa mokosoo nyemana latala laki piami.

Luku 8:18

Longo lao singi endakali doko, baa konda pyoo maita. Nasingi endakali mendeme baa-kisa kuki silyamona lao maseta dutupa tange nyokonyeta. Dopana, nyakamame pii silyamino dupa aipa pyoo silyamape lao soo kalyepape” lea.

Luku 8:15

Ee wai yangi yuu epenya pao siana lalo dokonya tenge doko dake: Endakali yangimi pii doko auu kaeyao sepala, tenge angi doko nyoo monanya mandipala, yakinala naeyao dii mandyoo katengemana” lea.

Luku 8:8

Ee wai yangi dupa yuu epe dupanya pao sia. Sia dupa andapala dii 100 laowaka mandeana” lea. Pii dutupa latala baame puu lao, lao pituu, “Nambame pii lelyo dutupa endakali kale katenge dupame sepengena” lea.

Luku 6:22

“Nyakamame Akalinya Ikiningi doko wata-minilyaminosa, endakali dupame nyakama imbu kaeyao, maita dyoo, pii koo lao, kenge koo dyoo pilyamino dokopa, Goteme nyakama auu pisingi.

3 Jone 1:11

Nambanya mona setenge, endakali dupame mana koo minilyamino dopaka pyaa naenya, mana epe minilyamino dopa pyoo mana epe minao katape. Mana epe miningi endakali doko baa Gotenya. Mana koo miningi endakali dokome Gote kanja naenge.

Aposole 16:28

Dopa piamopa Polome puu lao wii lao, “Naima pitaka dakenya palelyamanona, emba tange koeyasala naenya kae” lea.