Luku 6:26 - Enga Niu Tesamene

²⁶ “Endakali dupa pitakame nyakama lao pii epe lataminopa nyakama koeyatami. Dokaitanya yumbange dupame sambo propeta dupa lao pii epeaka leamina” lea.

Luku 6:26 Referans Kwoze

Jone 15:19

Nyakama isa yuu dakenya endakali-pyali doko, isa yuu dakenya endakali dupame nyakamanya tata-lamona lao masetala nyakama auu kaeyamili. Dopaka doko, nyakama isa yuu dakenya endakali daa. Nambame nyakama isa yuu dakenya-tae yapao nyio dokonyana, isa yuu dakenya endakali dupame nyakama imbu kaengema.

Jemesa 4:4

Yuu dakenya silyamo dupanya mona setenge dokome Gote yanda pimaingi-lamo lao, nyakama Gote yakinenge endakali dupame kanja naelyamipi? Endakali mendeme yuu dakenya silyamo dupanya mona setatoo lao masetamo doko, baa tange Gotenya yandapipi jingi.

Matyu 7:15

“Sambo propeta dupanya mona andaka yana kapu jetae katatamopa, sipisipi yonge nyoo petala, nyakama katatami dokonya ipatamina, kandao kalyepape.

Jone 7:7

Isa yuu dakenya endakali dupame nyakama imbu nakaeyapenge. Endakali dupame pingima dupa koo pingimana lao nambame panao lamaipusa, dupame namba imbu kaelyamino.

Roma 16:18

Endakali dopale dupame naimanya Kamongo Jisasa Kraisanya kalai pyakamaiya naengema. Dupame nyakamanya ingi iki masoo kalai pingima. Dupame pii kaiyu lapae dupa lao, andiki-andiki pyoo endakali mona mendai palenge dupa minakasingima.

Luku 6:25

“Nyakama indupa nee tiaka kaeyao kalyamino dupa koeyatami. Tanga nyakama lopo kaeyao katatami. “Nyakama indupa gii kaeyao kalyamino dupa koeyatami. Tanga nyakama yamataka lao ee lao katatami.