Luku 6:22 - Enga Niu Tesamene

²² “Nyakamame Akalinya Ikiningi doko wata-minilyaminosa, endakali dupame nyakama imbu kaeyao, maita dyoo, pii koo lao, kenge koo dyoo pilyamino dokopa, Goteme nyakama auu pisingi.

Luku 6:22 Referans Kwoze

Matyu 10:22

Nyakamame nambanya kenge doko lao panelyamino latala, endakali dupa pitakame nyakama imbu kaeyatami. Dopaka doko, endakali mende kyeto joo katao, baa etata gii dokonya tuu latamo doko, baa Goteme pyoo nyeta.

1 Pita 3:14

Nyakamame mana tolatae minatami dokonya nyakama tanda nyetamino doko, Goteme nyakama auu piseta. Dopana, endakali mendapuame nyakama paka pisetaminopa, nyakamame paka kaeyapala walu laa naeyalapape.

Jone 16:2

Endakali dupame nambapa, nambanya Takangepa, nalimba nakandengema dokonyana, dokaitame lotuu anda dupanya nyakama watao pyatami. Yangimi nyakama pyao kumasetala, Gote kundi maiyoo kalai epe mende pilyamanona lao masetami. Dopa pitami gii doko ene epelyamo.

Jone 7:7

Isa yuu dakenya endakali dupame nyakama imbu nakaeyapenge. Endakali dupame pingima dupa koo pingimana lao nambame panao lamaipusa, dupame namba imbu kaelyamino.

Jone 12:42

Endakali mendapuame Jisasa tungi napiamiaka doko, endakali longome Jisasa tungi piami. Juumanya isingi akali longome apata baa tungi piamiaka. Tungi piamiaka doko, Parasi dupame lotuu anda dupanya dokaita watao pyatamini-latala, Jisasa tungi pilyamanona lao, lao panala naeyami.

Aposole 24:5

Naimame kandamanopa, akali dake baa makongopae mende-lamo. Yuu dupa pitakanya baame Juu dupa ingi tuu lelyamosa, pundu andake sakatenge. Endakali mendapu Nasarete tangena lao kambu pyatala waka katengema dokonya baa aiyomba katenge.

Jone 17:14

Endakali namba ditae dupa embanya pii doko lamaitio. Namba isa yuu dakenya-tae daa. Endakali namba ditae dupa isa yuu dakenya-tae daaka. Tenge dokonya, isa yuu dakenya endakali dupame dokaita imbu kaelyamino.

Luku 21:17

Nyakamame nambanya kenge doko lao panelyamino latala, endakali dupa pitakame nyakama imbu kaeyatami.

Matyu 10:39

Endakali mendeme baa lete katatoana lao masetala katapenge kaitini kutatamo dokome baanya lete katenge doko yakinata. Endakali mendeme namba masetala, baanya lete katenge doko yakinata dokome baanya lete katenge doko kandao nyetana” lea.

Aposole 22:22

Polome pii dutupa lalu piamopa Juu dupame sepala puu lao, lao pituu, “Akali dake isa yuu dakenya kalya naeyapenge-lamona, pyao kumasalapa” leami.

Jone 9:34

Dokopa dokaitame baanya pii yanu pyakamaiyoo, “Emba koo sepeta mandipae etete koo dakeme naima mana lelyepe?” leami. Dopa latala baa watao kamaka pyasiami.

Luku 20:15

Dopa latala, wane doko waene ee dokonya kamalya pyale latala pyao kumasiami. Dopa piami dokonya, ee tange dokome ee isakamaingi dupa aipa pita?

Matyu 10:18

Nyakamame namba watao paelyamino latala, endakali dupame nyakama laminao pupala kiŋipi, gapenapi dupanya enombanya katasetami. Dopa pitaminopa, nyakamame kandelyaminopi, silyaminopi dupa kiŋipi, gapenapi, akali tata wakapi dupa panao lamaiyepape.

Luku 6:21

“Nyakama indupa lopo kaeyao kalyamino dupa Goteme auu pisingi. Tanga nyakama tiaka kaeyao katatami. “Nyakama indupa ee lao kalyamino dupa Goteme auu pisingi. Tanga nyakama gii kaeyao katatami.

Jemesa 1:12

Makande pipae dupa ipatamopa, akali mendeme Jisasa tungi pingi doko yakinala naeyao minatae katatamo doko, baa Goteme auu pisetae. Gote auu kaenge endakali dupa lete katataminopa lao, kiŋi balu mende, Kamongome maitona leamo doko, makande pipae dupa ita minata akali dokome nyeta.