Luku 5:33 - Enga Niu Tesamene

³³ Dokopa akali dokaitame Jisasa lamaiyoo, “Jonenya disaipolo dupame paa longosa loma soo nee nanao katengema. Parasi dupanya disaipolo dupame dopaka pingimana, embanya disaipolo dupa aipuma nee endakipi nao katengemape?” leami.

Luku 5:33 Referans Kwoze

Luku 20:47

Dokaitame enda walyakae dupa minakasetala, yuu andapi dupa nyingima. Endakali waka dupame dokaita epena lao masina latala, loma londe pyoo singima. Akali dupa-kisa tenge setatamopa, dupa tanda etete andake nyetamina” lea.

Luku 18:12

Wiki mendainya yuu gii lapoma nambame loma soo nee nanao katenge. Nambame dopale nyilyo dupa pitaka malu akalita mokosoo setapala, dutupanya malu mendai emba dingina’ lao loma sia.

Aposole 9:11

Dokopa Kamongome baa lamaiyoo, “Sepe! Tasusa tange akali Solo lenge mende, Judasanya andaka loma soo pilyamona, emba sakatatala, kaitini Tolatae lenge dokonya pupala, Solo anja kalyape lao tipa pyoo kutape.

Jone 3:25

Kuni nasina lao pyoo wasoo nepenge mana dokonya Jonenya disaipolo dupa-pipa Juu mende-pipa pii yanda piami.

Jone 1:35

Yuu gii mende dokonya Jone baanya disaipolo lapoma-pipa dee ipao kateami.

Luku 11:1

Gii mendepa Jisasa yuu mendasa loma soo katea. Loma soo etapeamopa, baanya disaipolo dupanya mendeme baa lamaiyoo, “Kamongo, Joneme baanya disaipolo dupa loma sina lao mana lamaiyana, embame naima loma semana mana langipoko” lea.

Make 12:40

Dokaitame enda walyakae dupa minakasetala, yuu andapi dupa nyingima. Endakali waka dupame dokaita epena lao masina latala, loma londe pyoo singima. Akali dupa-kisa tenge setatamopa, dupa tanda etete andake nyetamina” lea.

Matyu 23:13

“Mosesanya loo mana nyepaepi, Parasipi, nyakama mana tolatae miningi manemane pingima dupa koeyatami. Nyakamame enda walyakae dupa minakasetala, yuu andapi dupa nyingima. Endakali waka dupame nyakama epena lao masina latala, loma londe pyoo singima. Tenge dokonya, nyakama kenda etete andake nyetami.

Luku 2:37

Akalingi kumateamopa, baa walyakae petea. Baa ee kana 84 lea. Baame lotuu anda nee nyetae kamapu doko yakinala naeyao, kuka kotakapi Gote mambo pyao, nee nanao loma soo petenge.

Luku 5:32

Nambame endakali tolatae dupa wii lao nyalanya naepeo. Endakali koo pingi dupa mona kapilyina lao, wii lao nyalanya epeona” lea.

Luku 5:34

Dopa leaminopa baame dokaita lamaiyoo, “Akali mende enda kelyapala watapae pyao, baanya tata dupa-pipa kalyamo gii dokopa, baanya tata dupa nee nanena lao nyakamame kaita lyokamilipi?