Luku 5:22 - Enga Niu Tesamene

²² Dopa lao masiami dupa Jisasame kandatala dokaita lamaiyoo, “Aipuma nyakamanya moname dopa lao masilyami?

Luku 5:22 Referans Kwoze

Luku 24:38

Dokopa baame dokaita lamaiyoo, “Nyakama aipuma walu latala, namba kiningi Jisasa-lamona lao masala naelyami?

Aposole 5:3

Dopa peteamopa Pitame baa lamaiyoo, “Ananiasa, embame aipuma Satane ipao monanya tumbina kaeyapala, yuu salimi latala muni nyipi dokonya mendatupa tange nyepala, Oli Spirita doko sambo lamaiye?

Make 8:17

Dopa leamino doko Jisasame kandatala dokaita lamaiyoo, “Nyakamame aipuma breta nasilyamo lao nyakama-lapo lelyami? Nyakama-kisa indupapi tatake pipae simupa masala naelyamipi? Nyakamanya mona kana jetaeyaka kalyape?

Matyu 12:25

Dopa leaminopa, dokaitanya masiami dupa Jisasame kandatala dokaita lamaiyoo, “Isa yuu dakenya kingdom mendenya endakali dupa pyaloo petala wakale pitamino doko, kingdom doko koeyata. Siti mendepi, anda mendenya palengepi, dupa yango-lapo pyaloo pitamino doko, dokaita kyeto joo nakatatami.

Matyu 9:4

Dopa lao masoo leamino dupa Jisasame kandatala dokaita lamaiyoo, “Aipuma nyakamanya moname koo dopale dupa masilyami?

Revelesene 2:23

Dopa petala, enda dokonya wane dupa apata kumina lao nambame pyao kumasotoaka. Dopa pitopa, endakalinya monapi, masingipi dupa kandenge akali doko namba-lamo lao siosa dupa pitakame masetami. Dokopa nambame nyakama mendai-mendai lao kalai pitamili pyoo yole pito.

Ibru 4:12

Gotenya pii doko lete katenge dokonyana, ema pyoo kalai pingi. Pii doko etete nenge katapae. Dokonya nenge dokome konjuwa yangi-yangipa lapota nenge katapae dupa pitakanya nenge dupa ita miningi. Konjuwame endakali mende tungilyamopa, luma lengepi, kuli tundingipi, dupa pitaka kandenge. Dopaka pyoo, Gotenya pii doko endakalinya masingipi, imambupi dupanya landa pilyamopa, moname masingipi, pyoani kaengepi, dupa pitaka panapae silyamopa, Gotenya pii dokome yapenge.

Matyu 12:15

Kambuiyamino kandatala, Jisasa baa yuu doko yakinatala pea. Dokopa endakali kambu andake mendapuame baa watao peami dupanya yaina pyapae dupa pitaka baame mee jakamaiya.

Luku 5:21

Dokopa Mosesanya loo mana nyepaepi, Parasipi dupame masoo pituu, “Gote anda-anda semaiya naeyao lelyamo akali dake baa api? Endakali mendeme endakalinya koo dupa kapa pao kunao nepala naenge. Goteme iki endakalinya koo dupa kunao nepengena” lao masiami.

Luku 5:23

Pii dalaponya anduku mee petala lapenge? ‘Embanya koo dupa kunao nepatae kalyenona’ lapenge dokope, pande, ‘Emba sakatatala kaita pae’ lapenge doko?