Luku 24:44 - Enga Niu Tesamene

⁴⁴ Napala baame dokaita lamaiyoo, “Namba nyakama-pipa kateamano gii dokopa, pii nyakama langio dupa dapa lao leo: Mosesanya loo dupanyapi, Propeta dupanyapi, Wee Buku dokonyapi, dupanya pii namba lao pepa pyapae singi dupa pitaka angi jepenge jilyamona leona” lea.

Luku 24:44 Referans Kwoze

Luku 9:22

Dopa latala baame dapa lea: “Juumanya isingi akalipi, prisa mupapi, Mosesanya loo mana nyepaepi, dupame Akalinya Ikiningi doko maita maitaminopa baa pyao kumasepenge. Dokopa Akalinya Ikiningi doko tanda longo nao kumapatamopa, yuu gii tepo dokonya baa sakatatana” lea.

Revelesene 19:10

Dopa lateamopa, nambame baa mambo pyalanya baanya moko katea dosa luma lakapala langalu yuunya sio. Dokopa baame namba langyoo, “Embapi, Jisasa baa dokona lao, lao panenge embanya Kristene kaiminingipi, dupa naima kalai mendai pingina, embame namba mambo pyala naenya, Gote mambo pyaa” lea. Aipumape, Spirita dokome masepae mailyamopa, endakali dupame Jisasa baa dokona lao pii lao panengema.

Ibru 10:1

Mosesanya loo dupame epe mendapu ipata dupa makande petae singi. Mosesanya loo dupa epe mendapu ipata-lumu dupa daa. Tenge dokonya, prisa dupame ee kana dii lao kundi tata mendai dokoaka mailyami dokome, endakali sele anda dokonya epelyami dupa kuni nasina lao etao pyoo wasala naenge.

Jone 5:46

Mosesanya pepa pyapae silyamo dupame namba lao pepa pyapae silyamo. Pepa pyapae dupa kiningina lao nyakamame masimili doko, nambanya pii lelyo dupa kiningina lao masimiliaka.

Ibru 9:8

Dopa pingi mana dokonya Oli Spiritame naima dapa pyoo laitaka pilyamo: Sele anda wambatae doko kateamopa, mee endakali dupa panda nee nyetae dolaponya kolandapenge kaitini doko lumbapae nasia.

Jone 5:39

Gotenya pii pepa pyapae singi dupanya-kaita nyakamame lete etete katenge doko nyetamape lao masetala, pii dutupaka aipa lao pepa pyapae silyape lao yapao katengema. Gotenya pii pepa pyapae silyamo dupame namba lao pepa pyapae silyamo.

Jone 3:14

Endakali napalenge yuu dokonya kanopato aeneme wasepae doko Mosesame minalyiali pyoo, Akalinya Ikiningi doko kaeyala naeyao minalyetami.

Luku 24:46

Dopa petala baame dokaita lamaiyoo, “Dapa lao pepa pyapae silyamo: Kraisa doko kaitini dakenya tanda nao kumapala, yuu gii tepo dokonya malunya sakatatana lapae silyamo.

Ibru 7:1

Saleme tange dupanya kiŋi Melekisedeke doko, Gote Etete Ketae Katenge dokonya prisa. Abraameme kiŋi dupa yanda pyoo ita minatala pilyiamopa, Melekisedekeme kaitinisa kandanyetala auu pisoo pii epe mendapu lamaiya-pyaa.

Ibru 3:5

Gote tata dupa pitakanya kainanya, Mosesame Gotenya pii dupa wata-minao, baa Gotenya kalai akali katea-pyaa. Dopa pia dokome, tenda pii latami dupa Mosesame lao panao katea-pyaa.

Aposole 7:37

Mosesa mendai dokomeaka Israele dupa lamaiyoo, ‘Naimanya Kamongo Goteme namba propeta makande leamoli pyoo, nyakamanya kaiminingi dupanya mende propeta makande lakatana’ lea.

Luku 22:37

Gotenya pii pepa pyapae singi dake namba-kisa angi jepenge: ‘Loo yalenge dupa-pipa baa apata nyoo palyoo itaki piamina’ lao pepa pyapae singi doko indupa namba-kisa kaeyala naeyao angi jilyamona lao nambame nyakama langilyona” lea.

Luku 9:44

“Nyakamame pii datupa kaleme sokondape pyoo salapape: Akalinya Ikiningi doko akali dupanya kinginya maiyanya pilyamona” lea.

Matyu 26:56

Dopaka doko, propeta dupame pii pepa piami dupa angi jina lao datupa pitaka pilyamona” lea. Dokopa disaipolo dupa pitakame baa yakinatala paka peami.

Matyu 26:54

Namba nisina lapuli doko, namba-kisa pipenge dupa dopa pipengena lao Gotenya pii pepa pyapae singi doko aipa petala angi jipyalipi?” lea.

Matyu 16:21

Gii dokopa Jisasame baanya disaipolo dupa tee pyao panao dapa lamaiya: “Namba Jerusalema pupenge. Patopa Juumanya isingi akalipi, prisa mupapi, Mosesanya loo mana nyepaepi, dupame namba tanda longo ditaminopa namba pyao kumasepenge. Kumasetataminopa, yuu gii tepo dokonya Goteme namba sakatasetana” lea.

Aposole 3:18

Dopaka doko, Kraisa doko tanda andake nyetana lao, wamba-waka Goteme baanya propeta dupa pitaka-kisa lealiaka pyoo angi jina lea.

Make 9:31

Tenge doko, Jisasame baanya disaipolo dupa mana lamaiyanya dopa lao masia. Baame lao pituu, “Akalinya Ikiningi doko akali dupanya kinginya maiyanya pilyamo. Maitatamopa dupame baa pyao kumasetami. Kumasetataminopa baa yuu gii tepo dokonya malunya sakatatana” lea.

Matyu 1:22

Dupa pitaka pia dokome, Kamongome propeta mende-kisa lao pituu, “Salapape! Wanaku mapukae, akali tole napingi mende, wane tongota pitipala wane ane mende mandita. Wane dokonya kenge doko Emanuele latamina” lapae singi doko angi jia. (Emanuele dokonya tenge doko, Gote naima-pipa katenge.)

Aposole 2:27

Embame nambanya lete katenge doko endakali kumapae dupa katengema panda dokonya sina lao kaeyala naeyate. Embanya Akali Makande Latae dokonya yonge doko malunya tamuatale lao kaeyala naeyateaka.

Aposole 13:40

Goteme propeta dupa-kisa dapa lea-pyaa: ‘ “Nyakama namba lao nepao katengema dupame salapape: Nyakama kalyamino gii datupanya nambame kalai mende pilyo. Kalai pilyo doko endakali mendeme nyakama langitamopapi, nyakamame kandatala kiningina lao masala naeyatami. Dopana, nyakama walu lao alu pyepape” lapae silyamo doko nyakama-kisa pitana, kandao kalyepape’ ” Polome lea.