Luku 24:36 - Enga Niu Tesamene

³⁶ Pia dupanya pii lao peteaminopa, Jisasa dokaitanya kainanya ipao kalyu petala dokaita lamaiyoo, “Nyakama mona yaepao pilyepape” lea.

Luku 24:36 Referans Kwoze

2 Tesalonaika 3:16

Mona yaepasingi Kamongo dokome, baanya mona yaepenge epe doko koteaka lao kalai pitami dupa pitakanya, nyakama dipya laka lao masilyamano. Kamongo nyakama pitaka-pipa katami laka lao masilyamanoaka.

Luku 10:5

Nyakama anda mendenya kolandatami dokopa wambao lao pituu, ‘Mona yaepenge doko andaka dakenya sina’ lao lamaiyepape.

Make 16:14

Maitakao 11 disaipolo dutupa nee nao peteaminopa, Jisasa baa dutupame kandena lao panea. Baa sakatatala paneamopa kandeami endakali dupame kiningi lelyaminona lao disaipolo dutupame masala naenya, tuu pyoo mona kana jiaminosa, Jisasame dutupa pyalanya lea.

Revelesene 1:4

Namba Joneme siosa kalange Esia katenge dutupanya pepa dake pyao peekelyo. Wamba-waka katea, indupa kalyamo, tanga-tangapi kataowaka katata Gote dokopi, baanya kiŋi petenge toko enomba dokonya Spirita kalange katengema dutupapi, dutupanya kondo kaenge dokopa, mona yaepenge dokopa, dolapo nyakama-kisa sipya laka lao masilyo.

1 Korina 15:5

Sakataseteamopa, Sipasame baa kandena lao panasetala, 12 disaipolo dutupame kandena lao panasiaka.

Jone 20:26

Yuu gii tukulapo pateamopa, Jisasanya disaipolo dupa andakote peteami. Gii dokopa Tomasa apata peteami. Anda kaitini dupa loko pyanyetae kateaka doko, Jisasa ipao dokaitanya kaina dokonya kalyu petala lao pituu, “Nyakama mona yaepao pilyepape” lea.

Jone 16:33

Nyakama mona yaepao katataminopa lao nambame pii dutupa langilyo. Nyakama isa yuu dakenya katataminopa nyakama-kisa kenda dupa ipataka doko, nambame isa yuu dakenya pupu lapae doko ita minatelyona, nyakama mona kenda nakaeyalapape” lea.

Jone 14:27

Nambanya mona yaepenge doko nyakama-kisa yakinelyo. Mona yaepenge nyakama dilyo doko isa yuu dakenya endakali dupame maingimali pyoo nandilyona, nyakama mona etete kenda kaeyao paka nakaeyalapape.

Matyu 10:13

Anda dokonya palengema endakali dupame nyakama auu pyoo lanyetamino doko, nyakamanya mona yaepenge doko dupa-kisa sina kaeyalapape. Auu pyoo lanyala naeyatamino doko, nyakamanya mona yaepenge doko tange nyalapape.

Aposole 1:3

Jisasa baa tanda nao kumapala, baa kiningi sakatao lete kalyona lao baanya aposole dupame kandena lao, kaitini longo mendapuanya-kaita yuu gii 40 dutupanya aposole dupa kateami dokonya ipatapu, Gotenya kingdom dokonya lao pii lamaita pia.

1 Korina 15:7

Maitakao Jemesame baa kandena lao panasetala, aposole dupa pitakame kandena lao panasiaka.