Luku 23:40 - Enga Niu Tesamene

⁴⁰ Dokopa makongao koo pingi mende dokome akali doko pyalanya lao, “Jisasa pyao yukupengena leamo pii mendai dokoaka emba-kisa latae silyamo doko, embame Gote paka nakaelyepe?

Luku 23:40 Referans Kwoze

Revelesene 15:4

Kamongo, emba iki etete epe kalyeno doko, apimi emba paka nakaeyao, embanya kenge doko lalyala naeyaowaka pita? Embanya mana tolatae dupa pitaka panao ipateamo dokonya, akali tata dupa pitaka ipupala emba mambo pyatamina” lao wee leami.

Epesusa 5:11

Iminjetae dokonya kalai pingima dupame dii epe namandengemana, nyakamame dokaita-pipa kalai tole pyaa naenya, dokaitanya kalai dupa koona lao panasalapape.

Luku 12:5

Akali paka kaeyapenge doko, dokona lao nyakama laitaka pitoo: Yonge doko pyao kumasetala, ele panda koo dokonya pyandapenge kyeto singi akali doko nyakamame paka kaeyalapape. Kiningi, akali doko paka kaeyalapape lao nambame nyakama langilyo.

Revelesene 16:11

Endakali dokaitanya mana koo minao kateami dupanya dokaita mona kapilyala naenya, tanda nyiamipi, tete piapi, tenge dupanya dokaitame Gote kaiti-kisa katenge doko lao nepeami.

Matyu 8:26

Dopa leaminopa Jisasame dokaita lamaiyoo, “Nyakama Gote kuki tungi pingima dupa, aipuma paka kaelyamipi?” lea. Dopa latala baa sakatatala, poo dokopa, endaki buli pia dokopa, dolapo kaena leamopa, kuki emapi mende napiambi.

Luku 23:39

Makongao koo pingi lapoma pyao yukuiyami dolaponya mendeme Jisasa lamba lao, “Emba Kraisa doko-tamo doko, emba tange pyoo nyoo, nalimba apata pyoo nyoaka pipoko” lea.

Luku 23:41

Nalimbame koo piambano dokonya yole nyepenge doko tolao nyilyambano. Dopaka doko, akali dakeme koo mende napiana” lea.

Matyu 20:9

Dokopa kalai akali 5 kilokonya kalai pyoo tee piami dupa ipupala, silipa muni mendai lao nyiami.