Luku 23:32 - Enga Niu Tesamene

³² Dokopa akali makongao koo pingi lapoma, Jisasa-pipa pyao yukulanya laminao peami.

Luku 23:32 Referans Kwoze

Make 15:27

Pake nenge lapoma baa-pipa pyao yukuiyamiaka. Mende doko baanya kingi tolaetena yukuiyami. Mende doko baanya kingi koeyatena yukuiyami.

Matyu 27:38

Pake nenge lapoma baa-pipa pyao yukuiyami. Mende doko baanya kingi tolaetena yukuiyami. Mende doko baanya kingi koeyatena yukuiyami.

Jone 19:18

Yuu dokonya Jisasa pyao yukutala, akali lapoma apata baa-pipa pyao yukuiyamiaka. Mende doko baanya kingi tolaetena yukutala, mende doko baanya kingi koeyatena yukuiyami.

Luku 22:37

Gotenya pii pepa pyapae singi dake namba-kisa angi jepenge: ‘Loo yalenge dupa-pipa baa apata nyoo palyoo itaki piamina’ lao pepa pyapae singi doko indupa namba-kisa kaeyala naeyao angi jilyamona lao nambame nyakama langilyona” lea.

Ibru 12:2

Naimanya Jisasa tungi pingi doko Jisasame tee pyatala, etao baa tungi pyalapale lao nisoo kalyamo. Baa auu kaeyapae mende tanga nyotona latala, elya kaengepi, tanda andake nyingipi, dupa angi mende daana lao masia. Dopa lao masetala, poko ita dokonya tanda nao, yukutae katao baa maka nakaeya. Indupa baa Gote petenge toko dokonya kingi tolaetena pilyamona, naimame baa iki kandatae katamana.

Luku 23:31

Ita saka doko-kisa dopa pilyamino doko, ita sapu doko-kisa aipa pitamipi?” lea.

2 Timoti 2:9

Dopa pilyo tenge dokonya, namba akali makongao koo pingi mende joo, tanda nao sene kendeme anjetae palelyo. Dopaka doko, Gotenya pii lapae doko anjetae nakalyamo.