Luku 23:26 - Enga Niu Tesamene

²⁶ Dokopa amii dupame Jisasa pyao yukulanya laminao peaminopa, akali Sairini tange Saimone lenge doko yuu yakane mendenya katao epea. Epeamopa amii dupame baa minatala, poko ita doko baanya latainya nyoo sakamaitala, soo Jisasa watao pena leami.

Luku 23:26 Referans Kwoze

Aposole 6:9

Dokopa lotuu anda kenge Akali Mokopae lenge dokonya katengemapi, Sairini tangepi, Alekesandria tangepi, Silisia tangepi, Esia tangepi, mendapu sakatatala, Stipene-pipa pii yanda piami.

Aposole 6:6

Akali dutupa aposole dupanya enombanya laminao epeaminopa, aposole dupame dutupa-kisa kingi setao loma sakamaiyami.

Aposole 2:10

Prisia tangepi, Pampilia tangepi, Ijipi tangepi, Libia dokonya Sairini makisa dosa tangepi, yuu dakenya tisa katenge Roma tangepi, Juupi, Juu dupanya lotuu mana miningipi,

Luku 14:27

Endakali mendeme baanya poko ita doko soo, namba watao naipatamo doko, baa nambanya disaipolo nakatataka.

Luku 9:23

Dopa latala baame endakali dupa pitaka lamaiyoo, “Endakali mendeme namba watao ipatoo lao maseta dokome baa tange kame sepala, baanya poko ita doko tange nyoo soo namba watao ipupenge.

Aposole 13:1

Siosa Antioko katea dokonya propetapi, mana lengepi, mendapu kateami dupanya kenge dupa: Banabasapi, Simione kenge mende Niga lenge dokopi, Sairini tange Lusiusapi, Galali isingi Erotepa tole katenge Manaenepi, Solopi, dutupa kateami.

Luku 23:25

Akali mendeme gapomane yanda pimaita, endakali pyao kumaseta piamosa anjinya pyandeami doko mokokena leamili pyoo Pailatame mokatala, Jisasa endakali dupanya masiamili pina lao amii dupa maiya.

Matyu 5:41

Akali mendeme emba pyalanya latala, pinju soo tengesa amasa pao mapa lea-kandeno dokopa, londatili pao mapape.