Luku 22:43 - Enga Niu Tesamene

⁴³ Dokopa kaitinya enjele mende ipao kalyu petala, baa kyeto maiya.

Luku 22:43 Referans Kwoze

Matyu 4:11

Dopa lateamopa Sataneme Jisasa yakinatala pea. Dokopa enjele mendapu ipupala baa nisiami.

Ibru 1:14

Enjele dupa pitaka Gotenya kalai pyakamaingi spirita mendapu. Dupame Gotenya kalai pyakamaiyoo, Goteme pyoo nyepenge endakali dupa nisoo kalya pena lenge.

Matyu 26:53

Indupa nambanya Takangeme namba nisina lao kyeto joo tee lalu pipupa, baame enjele 72 tausene ita minao etete longo epena lapyalina lao masala naelyepe?

Ibru 1:6

Goteme baanya Ikiningi mupa doko laminao isa yuu dakenya ipupala, baame lao pituu, “Gotenya enjele dupa pitakame Ikiningi doko mambo pyalaminona” lapae silyamo.

1 Timoti 3:16

Gote wata-minao katenge dokonya pii yalo petae doko etete andake mende. Pii doko naimame lao panelyamano dakena salapape: Gote baa endakali jetala isa yuu dakenya epea. Baa akali tolataena lao Spirita dokome panasia. Baa enjele dupame kandeami. Baanya pii lapae doko akali tata dupa pitaka lamaiyoo taeyami. Baa yuunya endakali dupame tungi piami. Baa kaiti-kisa tii pipae dokonya lanyoo pea.

Luku 22:32

Embame namba tungi pingi doko yakinala naeyatale lao nambame embanya kyeto joo loma sekeo. Dopa pyekeona, emba mona kapilyete gii dokopa, embanya Kristene kaiminingi dupa kyeto jisepe” lea.

Matyu 4:6

Dopa latala baame Jisasa lamaiyoo, “ ‘Goteme emba masetala, baanya enjele dupame emba nisina latana’ lao pepa pyapae silyamo. Pii mendenya apata dapa lao pepa pyapae silyamoaka: ‘Embanya mokopi mende kaname tukutame-latala, dupame emba kopyoo nyetamina’ lapae silyamo. Dopana, emba Gote Ikiningi-tamo doko, ketae dakenya katao isa mangau laa” lea.

Ibru 2:17

Tenge dokonya, endakali dupanya koo dupa kunao nepakamaitoo latala, baa tange Gote kundi maiyanya, kaitini dupa pitakanya baanya kaiminingi dopale jepenge jiamosa baa endakali jia. Baame endakali dupa kondo kaeyao, prisa mupa kalai doko yakinala naeyao, Gotenya kalai doko pyakamaitoo latala baa endakali jia.

Aposole 18:23

Gii mendatupa baa Antioko katapala, Galesiapa Prisiapa yuu dolaponya pea. Pupala yuu yakane dupanya disaipolo dupa pitaka kyeto maiyoo pii lamaiyoo paeya.