Luku 22:37 - Enga Niu Tesamene

³⁷ Gotenya pii pepa pyapae singi dake namba-kisa angi jepenge: ‘Loo yalenge dupa-pipa baa apata nyoo palyoo itaki piamina’ lao pepa pyapae singi doko indupa namba-kisa kaeyala naeyao angi jilyamona lao nambame nyakama langilyona” lea.

Luku 22:37 Referans Kwoze

2 Korina 5:21

Akali koo nasingi doko Goteme naimanya koo dupanya baa kundi joo kumina lea. Goteme naima akali dokopa nyoo pyasetala, baanya mana tolatae dokonya katataminopa lao akali doko kumina lea.

Luku 23:32

Dokopa akali makongao koo pingi lapoma, Jisasa-pipa pyao yukulanya laminao peami.

Galesia 3:13

Pii mende dapa lao pepa pyapae silyamoaka: “Itanya yukutae katatami endakali dupa pitaka Goteme koeyasetamosa pitana” lapae silyamo. Mosesanya loo dupanya lapae silyamoli pyoo, naima koeyasepenge panda dokonya Kraisame alo pyoo naima mokao nyia.

Jone 17:4

Namba isa yuu dakenya katao, emba kenge andake ditio. Nambame kalai pyaale lao diino dupa pyoo etapeo.

Jone 10:35

Gotenya pii pepa pyapae singi doko endakali mendeme kapa pao aloo napita. Gotenya pii wambao nyiami dupa gote mendapu kalyaminona lao baame lea-lumu doko,

Luku 18:31

Jisasame 12 disaipolo dutupa lanyepala dokaita lamaiyoo, “Salapape! Naima lalyoo Jerusalema pelyamano. Pupala katatamanopa, Akalinya Ikiningi doko-kisa mendapu pitana lao propeta dupame pepa pyanya seteami dupa pitaka angi jeta.

Luku 22:22

Goteme masiamo dokonya-kaita Akalinya Ikiningi doko kiningi kumala pupenge. Dopaka doko, baa yandapipi dupanya kinginya maiyapomo akali doko koeyalapomona!” lea.

Make 15:27

Pake nenge lapoma baa-pipa pyao yukuiyamiaka. Mende doko baanya kingi tolaetena yukuiyami. Mende doko baanya kingi koeyatena yukuiyami.

Luku 22:36

Dokopa baame dokaita lamaiyoo, “Indupa nyakama-kisa munipi, nokainapi mende setamo doko, nyoo minalapape. Nyakamanya mende konjuwa daa jia-kandeno doko, embanya yonge pee kisa pingi doko salimi latala konjuwa mende sambape.

Luku 22:52

Dokopa Jisasame prisa mupapi, lotuu anda nee nyetae dokonya yanda singipi, Juumanya isingi akalipi, baa anjala epeami dupa lamaiyoo, “Pake nenge mende anjala epele lao nyakamame konjuwapi, kolyepepi dupa minao epelyamipi?

Luku 24:27

Dopa latala, Mosesapi, propetapi dupame pii pepa piami dupanya tee pyao, Gotenya pii pepa pyapae singi dupa pitakanya baa lao pyapae singi dupa dii tambao dolapo lamaiya.

Make 15:28

Dopa piami dokome, “Loo yalenge akali dupa-pipa baa pyasoo itaki piamina” lao Gotenya pii pepa pyapae singi dokonya lapae singi doko angi jia.