Luku 22:33 - Enga Niu Tesamene

³³ Dopa leamopa Pitame baa lamaiyoo, “Kamongo, emba anjetae patenopapi, kumala patenopapi, dupanya namba apata patambana lao depa latae kalyona” lea.

Luku 22:33 Referans Kwoze

Make 14:31

Dokopa Pitame etete kyeto joo lao pituu, “Emba kumate dokonya namba apata kumapenge jetamopapi, nambame emba nakandengena laa naeyalapona” lea. Dokopa yangi dupa pitakame dopaka leami.

Make 14:29

Dokopa Pitame Jisasa lamaiyoo, “Yangi dupa pitaka isa pyakataminopapi, namba isa pyakala naeyatona” lea.

Matyu 20:22

Dopa leamopa Jisasame yanu pyao, “Nyakamame tee lelyamino doko masala naeyao tee lelyamino. Nambame kapo kenda paleta mendenya nalapo dokonya nyakambame kapa pao natambipi, pande nambame kaimbu kenda paleta mende nyalapo doko nyakambame kapa pao nyetambipi?” lea. Dopa leamopa dolapome baa lamaiyoo, “Nalimbame kapa pao dopa pitambana” leambi.

Aposole 21:13

Dopa leamanopa Polome lao pituu, “Nyakamame aipuma ee lao nambanya mona kenda pisekelyami? Namba anjetae palipenge dokonya iki daa, Kamongo Jisasanya kenge dokonya namba Jerusalema kumapenge dokonya apata depa latae kalyona” lea.

Luku 22:34

Dopa leamopa Jisasame lao pituu, “Pita, nambame emba langilyo: Indupa kuka gii dakepa, yaka pauli pii laa naeyatamopa, paa tepomasa embame namba nakandengena laapenona” lea.

Jone 13:38

Dokopa Jisasame baanya pii yanu pyakamaiyoo, “Namba kumapenge dokonya kiningi emba alo pyoo kumatepe? Nambame emba etete kiningi langilyo: Yaka pauli pii laa naeyatamopa, paa tepomasa embame namba nakandengena laapenona” lea.

Luku 22:57

Dopa leamopa Pitame tanga lao, “Wanaku, nambame akali doko nakandengena” lea.