Luku 22:32 - Enga Niu Tesamene

³² Embame namba tungi pingi doko yakinala naeyatale lao nambame embanya kyeto joo loma sekeo. Dopa pyekeona, emba mona kapilyete gii dokopa, embanya Kristene kaiminingi dupa kyeto jisepe” lea.

Luku 22:32 Referans Kwoze

Roma 8:34

Kraisa baa kumateamopa Goteme baa sakatasia. Dopa peteamopa, Kraisa baa Gotenya kingi tolaetena pituu, naima nisoo loma sakao kalyamo. Dopa pilyamo dokonya, apimi naima-kisa tenge setapala tanda nyalapa lata?

Ibru 7:25

Tenge dokonya, Jisasa tungi pingi dokonya-kaita Gote kalyamo dokonya tengesa pelyamino endakali dupa, Goteme nisina lao Jisasame loma sakamaiyoo, baa kataowaka katenge. Dopa pingi dokonyana, baame endakali dupa etao pyoo nyingi.

2 Pita 3:14

Mona setenge paluma, nyakamame yuupa kaitipa enenge dolapo malisoo katao, nyakama-kisa kombepi mende napaliu, kunipi mende nasoaka pitamopa, Goteme kandatamopa lao, mona yaepao katao, pipenge dupa pyoo kalyepape.

1 Pita 1:5

Nyakamame Jisasa tungi pilyamino dokonya-kaita, Goteme baanya kyeto dokome nyakama isoo pao, yuu etata gii dokonya tuu lata. Gii dokopa, Goteme nyakama pyoo nyotona lao masoo depa latae kalyamo doko panaseta.

Luku 8:13

Ee wai yangi kana-kisa yuu kuki singi dupanya pao siana lalo dokonya tenge doko dake: Endakali yangimi pii doko sepala, auu kaeyao nyepala, gii kuki mendatupanya kiningina lao masingima. Dopaka doko, makande pipae epelyamopa, pii doko dokaita-kisa pingi pyala naenge dokonyana, dokaita isa pyakengema.

Aposole 3:19

Dopa piana, Goteme nyakamanya koo dupa kunao nepekena, nyakama mona kapilyetala, baa kalyamo dokonya pupape. Dokopa nyakama kyeto nyoo auu kaeyapae kalyepale lao, nyakamanya lao makande lekea Jisasa Kraisa doko epena latamopa, Kamongonya enomba dokonya katao baa ipata.

1 Pita 1:13

Dopana, nyakama masepae epe paliu, mende pitamopa mende pitona lao mona lenge tao kalyepape. Jisasa Kraisa panao ipatamopa, Gotenya kondo kaenge doko nyakama-kisa ipatana lao, kyeto joo nee kaeyao malisoo kalyepape.

Ibru 12:15

Nyakamanya mende isa pyakatala, Gotenya kondo kaenge doko nyala naeyatamina, kandao kalyepape. Nyakamanya kainanya mana kaa pipae mendapu pyakalyetala, nyakama kenda pisetala, endakali longo koeyasetana, kandao kalyepape.

Matyu 18:3

dokaita lamaiyoo, “Nyakamanya mana dupa aloo petala, wane wanakupi koo joo nakatatamino doko, kingdom kaiti-kisa singi dokonya kolandala naeyatamina lao nambame nyakama kiningi langilyo.

1 Jone 2:19

Yandapipi dokaita naima-pipa kateamanoaka doko, yakinatala peamino dokome, dokaita naimanya daa-lamo lao kandeama. Dokaitame naima yakinala naeyao naima-pipa tole kateamali doko, dokaita naima tata-lamo lao kandeamali. Dopaka doko, naima yakinatala peamino dokome, dokaita naimanya daa-lamo lao panea.

Jone 14:19

Gii kuki mendatupa patatamopa, isa yuu dakenya endakali dupame namba kanja naeyalamino. Dopaka doko, nyakamame namba kanjamino. Namba lete katenge dokonya nyakama apata leteaka katatami.

Make 14:72

Dopa leamopa yaka pauli pii lapo pyoo lea. Dokopa Jisasame Pita lamaiya pii datupa Pitame masia: “Yaka pauli pii lapo pyoo laanya pitamopa, paa tepomasa embame namba nakandengena laapenona” lea dutupa masetala, Pita ee lao putukia.

Make 16:7

Nyakama langiamoli pyoo baa wambao Galali pelyamona, dokonya baa kanjaminona, nyakama pupala, Pitapi, disaipolo mendatupa dutupapi, dutupa lamaiyepape” lea.

Matyu 26:75

Dokopa Jisasame Pita lamaiya pii datupa Pitame masia: “Yaka pauli pii ene laanya pitamopa, paa tepomasa embame namba nakandengena laapenona” lea dutupa masetala, Pita kamaka pyakalyetala, ee lao putukia.

1 Pita 1:1

Namba Pita, Jisasa Kraisanya aposole dokome, nyakama Goteme yapao nyepae endakali, yuu Pontusapi, Galesiapi, Kapadosiapi, Esiapi, Bitiniapi dupanya tisa kalyamino, dupanya pepa dake pyao peekelyo.

Roma 8:32

Goteme baanya Ikiningi mendai iki doko kaeyala naenya, naima pitakanya lao kumina kaeya. Baanya Ikiningi doko naima dia-tamo doko, Goteme naima dupa pitaka nanditape?

Taitusa 1:1

Namba Polo, Gotenya kalai akali, Jisasa Kraisanya aposole dokome, endakali Gotenya yapao nyepae dupanya Jisasa tungi pingi doko kyeto jakamaiyoo, dupame kiningi pii doko mana nyokondape petala, Gote wata-minao katena lamaiyoo pitinopa lao, Goteme namba makande lea.

2 Timoti 2:18

Akali dolapome kiningi pii doko yakinatala dapa lamailyambino: Goteme endakali kumapae dupa sakataseteana lao endakali dupa mana lamailyambino. Dopa lambinosa, endakali mendapuame nyakamanya Jisasa tungi pingi doko yakinelyamino.