Luku 22:11 - Enga Niu Tesamene

¹¹ nyakambame anda tange doko lamaiyoo, ‘Mana Lenge dokome baanya disaipolo dupa-pipa Pasopa nee doko namana, panda doko andusa silyape lelyamona’ lao lamaiyepape.

Luku 22:11 Referans Kwoze

Jone 11:28

Matame pii dutupa latala andaka peamopa, Jisasa baa yuu yakane Betani dokonya apata paa naenya, Matame baa kandanyia panda dosa katao kaeya. Dokopa Matame baanya kakingi Maria epena latala elyakalao lamaiyoo, “Mana Lenge doko ae ipupala, emba ipu lelyamona” lea. Dokopa Mariame pii doko sepala, baa yapa sakatao Jisasa katea dokonya pea.

Revelesene 3:20

Sepe! Namba anda kambu dokonya katapala gata-gata lao kalyo. Endakali mendeme nambanya pii doko sepala anda kaita doko lumbatamo doko, namba baanya andaka kolandatala, baa-pipa nee nao pititambanopa, baa namba-pipa nee nao pititambaka.

Luku 19:34

Dokopa akali dolapome lao pituu, “Dongi dakeme Kamongome kalai mende pipenge jilyamona” leambi.

Luku 19:31

Endakali mendeme tipa pyoo, ‘Aipuma dongi doko tata lelyambipi?’ lea-kandeno doko, nyakambame baa lamaiyoo, ‘Kamongome kalai mende dongi dakeme pipenge jilyamona’ lapape” lea.

Luku 19:5

Jisasa baa ita tenge dosa ipao pituu, ulu kandalyetala, Sakiasa kandea. Kandatala baa lamaiyoo, “Sakiasa, namba indupa embanya andaka palipengena, emba yapa isa ipu” lea.

Matyu 21:3

Endakali mendeme nyakamba pii mende langia-kandeno dokopa, nyakambame lao pituu, ‘Kamongome kalai mende dongi dalapome pipenge jilyamona’ lapape. Dopa lalu pitambinopa, dongi dolapo minao ipupale lao baame kaeyalapomona” lea.

Make 14:14

Pupala baa andaka kolandata dokonya anda tange doko lamaiyoo, ‘Mana Lenge dokome baanya disaipolo dupa-pipa Pasopa nee doko namana, panda doko andusa silyape lelyamona’ lao lamaiyepape.

Luku 22:10

Dokopa baame dolapo lamaiyoo, “Salapape! Nyakamba siti dokonya pyakamatambinopa, endaki kamuu singi akali mendeme nyakamba kandanyalapomona, doko watao pupape. Pupala, baa kolandata andaka dokonya nyakamba apata kolandatala,

Luku 22:12

Lamaitambinopa baame anda ketae mendenya ruma andake, depa latae mende laitaka pyaapomona, dokonya nyakambame nee doko depa lapape” lea.