Luku 21:34 - Enga Niu Tesamene

^34-35 “Yuu dakenya endakali palelyamino dupa pitaka-kisa gii doko ipata. Dopa pitana, yongenya koo pyoani kaengepi, bia nao kyakengepi, yuu dakenya nee kaeyapae singipi, dupanya-kaita nyakama isa pyakataminopa, kone makatae lokalyingili pyoo, gii doko nyakama-kisa lee mendai ipatana, kandao kalyepape.

Luku 21:34 Referans Kwoze

Make 4:19

muni putiti kaenge mana dokome dokaita minakasilyamopa, yuu dakenya nee kaengepi, oapi longo setapu laka lao masingipi, dupame pii doko kui pyapala, dokaita-kisa dii namandenge.

Luku 12:40

Dopana, nyakama ambe katatami gii mendepa Akalinya Ikiningi doko ipatana, nyakama apata depa latae kalyepape” lea.

1 Korina 6:10

popaita pingipi, pake nengepi, bia longo lao nao kyakengepi, lao nepengepi, endakali minakasoo pake nyingipi, dupame Gotenya kingdom doko nyala naeyatami.

Revelesene 3:3

Dopa petala, embame pii soo nyiino dupa masetala, wata-minao katao mona kapilyepe. Emba palipae seteno doko, masala naeyate gii mendenya pake nenge mende epengeli pyoo, namba emba katate dokonya ipato.

2 Pita 3:14

Mona setenge paluma, nyakamame yuupa kaitipa enenge dolapo malisoo katao, nyakama-kisa kombepi mende napaliu, kunipi mende nasoaka pitamopa, Goteme kandatamopa lao, mona yaepao katao, pipenge dupa pyoo kalyepape.

1 Korina 5:11

Dopaka doko, indupa nambame pepa pyao peekelyo dakenya, endakali mende naimanya Kristene kaiminingi kalyona latala, kepo kolengepi, popaita pingipi, gotena lao wasepae dupa lotuu lengepi, lao nepengepi, bia longo lao nao kyakengepi, endakali minakasoo pake nyingipi, dupa-pipa nakalyepape. Endakali dopale dupa-pipa nyakama nee nao napilyepapeaka lao pepa pyao peekelyo.

Matyu 13:22

Ee wai yangi lyiki tenge palenge dupanya lyandeana lalo dokonya tenge doko dake: Endakali yangimi pii doko singimaka doko, muni putiti kaenge mana dokome dokaita minakasilyamopa, yuu dakenya nee kaenge dupame pii doko kui pyapala, dupa-kisa dii namandenge.

Luku 21:8

Dokopa Jisasame lao pituu, “Endakali mendeme nyakama minakasetana, kandao kalyepape. Aipumape, endakali longo mendapu nambanya kengenya ipupala lao pituu, ‘Namba akali dokona’ latami. ‘Gii doko tengesa ipatelyamona’ latamiaka. Dopa lataminopa, nyakamame dokaita watao napupape.

Pilipae 4:6

Dopale mendenya nyakama mona andala naenya, Gote yaka pilyino lao, tee lao loma soo kalyepape.

Luku 17:3

Nyakama tange kandao isoo kalyepape. Embanya kaiminingi mendeme emba koo pingitamo doko, baa pyalanya lape. Dopa latenopa baa mona kapilyia-kandeno doko, embame baanya koo dupa kame sakamaipi.

Luku 10:41

Dopa leamopa Jisasame baanya pii yanu pyakamaiyoo, “Mata, Mata, embame dopale longo dupa nee kaeyao masepae longo nyilyino.

Luku 8:14

Ee wai yangi lyiki tenge palenge dupanya pao siana lalo dokonya tenge doko dake: Endakali yangimi pii doko singimaka doko, dokaita kaita paeyao, yuu dakenya nee kaengepi, munipi, yongenya auu kaengepi dupanya mona setelyami dokome, dokaita kui pyambatala, dii mandelyami dupa wambu napingi.

Make 13:9

“Endakali dupame nyakama anjetala laminao pao, kanjole dupa-kisa kotimi lata, lotuu anda dupanya nyakama pyao indyepa pitamina, kandao kalyepape. Nyakamame namba watao paelyamino latala, endakali dupame gapenapi, kiŋipi dupanya enombanya nyakama katasetami. Dopa pitaminopa, nyakamame kandelyaminopi, silyaminopi dupa akali dokaita panao lamaiyepape.

Ibru 12:15

Nyakamanya mende isa pyakatala, Gotenya kondo kaenge doko nyala naeyatamina, kandao kalyepape. Nyakamanya kainanya mana kaa pipae mendapu pyakalyetala, nyakama kenda pisetala, endakali longo koeyasetana, kandao kalyepape.

2 Pita 3:10

Dopaka doko, Kamongonya gii doko pake nenge mende kuakama epengeli pyoo ipata. Gii dokopa, toka andake mende latala kaiti doko alu pita. Kaitinya singi dupa itateme tao mee jetamopa, yuu dakepi, endakalimi petaepi, dupa pitaka tao etata.