Luku 21:20 - Enga Niu Tesamene

²⁰ “Nyakamame kandataminopa, amii kambu longo mendapuame Jerusalema kakopanya palyetami. Gii dokopa, Jerusalema koeyapenge doko tengesa petelyamona lao masalapape.

Luku 21:20 Referans Kwoze

Luku 19:43

Goteme nyakama kanja epelyamo gii doko dakena lao nyakamame nakandelyamino dokonya, nyakamanya yandapipi dupa ipupala, nyakama kakopanya palyetala, kame pimbao, kaitini dupa pitaka lyokata gii doko ipata. Ipatamopa yandapipi dupame kamepi, anda kaname namba-namba pyoo petaepi, dupa pitaka kaluu nepatala, nyakamapi, nyakamanya wanepi, nyakamanya siti dokopi, dupa pitaka koeyasetamina” lea.

Make 13:14

“Lotuu anda nee nyetae koeyasingi, myuku pipae mende ipatana lao propeta Danieleme lea doko, nasepenge panda dokonya setamopa kandatami gii dokopa, endakali Judia katatami dupa yuu manda dupanya paka pupenge jeta.” (Pii dake itaki pyate dokome tenge doko kutao nyepe.)

Luku 21:7

Dopa leamopa endakali dokaitame baa tipa pyoo, “Mana Lenge, embame lelyeno dutupa gii andukupa pita? Dutupa pyaanya tengesa pitamopa, kongali aipale mende pitape?” leami.

Matyu 24:15

“Lotuu anda nee nyetae koeyasingi, myuku pipae mende ipatana lao propeta Danieleme lea doko, panda nee nyetae dokonya setamopa kandatami gii dokopa, endakali Judia katatami dupa yuu manda dupanya paka pupenge jeta.” (Pii dake itaki pyate dokome tenge doko kutao nyepe.)

Ibru 11:30

Israele dupame Gote tungi pyatala, Jeriko kame kaname petae dokonya kamalya-kaita, yuu gii kalange aowali lao paeteaminopa, kame doko kaluiya.

Ibru 12:1

Endakali Gote tungi pingi kambu longo mendapu, wamba kateami dokaita kopa sili pyoo soo naima kakopatae kalyamino. Dopa pilyaminona, naimanya koo pingipi, kendapi dupa pitakame naima anjo pilyamo dupa yakinatala, ita minalanya alo pingili pyoo, alo pyalapale lao Goteme seteamo dokonya, maka nakaeyao alo pyamana.