Luku 21:17 - Enga Niu Tesamene

¹⁷ Nyakamame nambanya kenge doko lao panelyamino latala, endakali dupa pitakame nyakama imbu kaeyatami.

Luku 21:17 Referans Kwoze

Jone 15:19

Nyakama isa yuu dakenya endakali-pyali doko, isa yuu dakenya endakali dupame nyakamanya tata-lamona lao masetala nyakama auu kaeyamili. Dopaka doko, nyakama isa yuu dakenya endakali daa. Nambame nyakama isa yuu dakenya-tae yapao nyio dokonyana, isa yuu dakenya endakali dupame nyakama imbu kaengema.

Luku 6:22

“Nyakamame Akalinya Ikiningi doko wata-minilyaminosa, endakali dupame nyakama imbu kaeyao, maita dyoo, pii koo lao, kenge koo dyoo pilyamino dokopa, Goteme nyakama auu pisingi.

2 Korina 12:10

Namba kyeto nasingi kalyo dokopa, kiningi namba kyeto palipae katenge. Namba Kraisa watao paelyo tenge dokonya, endakali dupame namba pii koo latamipi, namba-kisa kenda ipatapi, koeyasetamipi, tanda ditamipi, dupanya namba kyeto nasingi joo katao, mona epe paliu katenge.

Jone 15:21

Dopaka doko, namba puu lea Akali doko dokaitame nakandengema dokonyana, nyakama namba tata-lamo lao kandatala, nyakama-kisa mana koo dopale dupa minatami.

Revelesene 2:3

Embame nambanya kenge doko masetala, maka nakaeyao, kenda soo yakinala naeyao kalyeno.

Pilipae 1:29

Nyakamame Kraisa tungi pyalapale lao iki makande laa naenya, baanya kenge dokonya apata tanda nyalapale lao makande leaka.

2 Korina 4:11

Jisasa lete kalyamo doko naimanya kumapenge yonge dokonya panatae katena lao, naima lete kalyamano dupa Jisasanya kenge dokonya, endakali dupame pyao kumasepenge kalyamano.

Jone 17:14

Endakali namba ditae dupa embanya pii doko lamaitio. Namba isa yuu dakenya-tae daa. Endakali namba ditae dupa isa yuu dakenya-tae daaka. Tenge dokonya, isa yuu dakenya endakali dupame dokaita imbu kaelyamino.

Make 13:13

Nyakamame nambanya kenge doko lao panelyamino latala, endakali dupa pitakame nyakama imbu kaeyatami. Dopaka doko, endakali mende kyeto joo katao, baa etata gii dokonya tuu latamo doko, baa pyoo nyetana” lea.

Matyu 24:9

“Gii dokopa nyakama anjetala, tanda dyoo pyao kumasina lao maitami. Dopa pitaminopa, nyakamame nambanya kenge doko lao panelyamino latala, akali tata dupa pitakame nyakama imbu kaeyatami.

Matyu 10:22

Nyakamame nambanya kenge doko lao panelyamino latala, endakali dupa pitakame nyakama imbu kaeyatami. Dopaka doko, endakali mende kyeto joo katao, baa etata gii dokonya tuu latamo doko, baa Goteme pyoo nyeta.

1 Pita 4:14

Kraisa wata-minilyamino latala, nyakama pii koo lataminopa, Goteme nyakama auu pisimupa, baanya Spirita tii pipae doko nyakama-kisa kalyamona lao masalapape. Dupame Gote kenge koo mailyaminoaka doko, nyakamame baanya kenge doko minalyilyamino.

Jone 7:7

Isa yuu dakenya endakali dupame nyakama imbu nakaeyapenge. Endakali dupame pingima dupa koo pingimana lao nambame panao lamaipusa, dupame namba imbu kaelyamino.

Matyu 5:11

“Nyakamame namba wata-minilyaminosa, endakali dupame nyakama pii koo lata, tanda dyoo koeyaseta, sambo pii tata dupa pitaka lata pilyaminopa, Goteme nyakama auu pisingi.

2 Korina 4:5

Naima tange dopalena lao naimame pii lamaiya naenge. Jisasa Kraisa baa Kamongo dokona lao naimame pii lamaingi. Jisasanya kalai pyakamaiyoo, naima nyakamanya kalai akali kalyamanona lao pii lamaingiaka.

Luku 21:16

Nyakamanya endangipi, takangepi, tatapi, kaita miningipi, kaiminingipi dupame nyakama yanda singi dupanya kinginya maitami. Dopa pitaminopa, dupame nyakamanya mendapu pyao kumasetami.

Luku 21:18

Dopaka doko, nyakamanya aiyomba iti dupanya mendaipi mende alu napita.