Luku 21:16 - Enga Niu Tesamene

¹⁶ Nyakamanya endangipi, takangepi, tatapi, kaita miningipi, kaiminingipi dupame nyakama yanda singi dupanya kinginya maitami. Dopa pitaminopa, dupame nyakamanya mendapu pyao kumasetami.

Luku 21:16 Referans Kwoze

Luku 12:53

Dutupa wakale pyaloo petala, takange dokome baanya ikiningi doko yanda pimaitamopa, ikiningi dokome baanya takange doko yanda pimaiyapomo. Endangi dokome baanya wanenge doko yanda pimaitamopa, wanenge dokome baanya endangi doko yanda pimaiyapomo. Endangi dokome baanya aeyange doko yanda pimaitamopa, aeyange dokome baanya enda aeyange doko yanda pimaiyapomona” lea.

Revelesene 6:9

Maitiamopa, Sipisipi Ŋaŋa dokome wakaiya jepae yungi pyoo doko taka leamopa, Gotenya pii dokopa, Sipisipi Ŋaŋa dokonya lao pii dokopa, dolapo endakali mendapuame lao paneaminosa pyao kumasiami dupanya imambu dupa alta pundipundi dokonya kateamino kandeo.

Revelesene 12:11

Sipisipi Ŋaŋa dokonya taeyoko dokopa, Kristene kaiminingi dupame kiningi pii doko lao paneami dokopa, dolapome Satane doko ita miniami. Ita minao pituu, dupame nyakamanya lete katenge doko auu nakaeyao, kumingi doko paka nakaeyaowaka piami.

Revelesene 2:13

Embanya kalai pingipi, Satanenya kiŋi toko singi dosa katengepi, dupa nambame kandenge. Akali Antipasa lenge dokome yakinala naeyao nambanya kenge doko lao panao kateamopa, Satane katenge panda dokonya, akali mendapuame nyakamanya kainanya baa pyao kumasiami. Dopa piaminopapi, embame nambanya kenge doko minakondape petala, namba tungi pingi doko yakinala naeye.

Aposole 12:2

Dopa petala baame Jone kaiminingi Jemesa konjuwame pyao kumasina lea.

Aposole 7:59

Dokaitame Stipene baa kaname pyao kateaminopa, Stipeneme loma soo pituu, “Kamongo Jisasa, nambanya imambu doko nyaa” lea.

Make 13:12

Kaiminingi mendeme kaiminingi mende pyao kumasina lao anjoo maita. Takange dupame nyakamanya wane dupa dopaka pina lao anjoo maitami. Wane dupame nyakamanya endangi takangepi dupa yandapipi jetala, pyao kumasina lao maitamiaka.

Matyu 10:21

Kaiminingi mendeme kaiminingi mende pyao kumasina lao anjoo maita. Takange dupame nyakamanya wane dupa dopaka pina lao anjoo maitami. Wane dupame nyakamanya endangi takangepi dupa yandapipi jetala, pyao kumasina lao maitamiaka.

Luku 21:17

Nyakamame nambanya kenge doko lao panelyamino latala, endakali dupa pitakame nyakama imbu kaeyatami.