Luku 2:1 - Enga Niu Tesamene

¹ Gii dutupanya Sisa Agusatusame yuu pitakanya endakali dupa pitaka pepanya kenge pyao setena lao loo mende pyapala, yuu dupa pitakanya pyasia.

Luku 2:1 Referans Kwoze

Luku 3:1

Sisa Taibiriusa dokome ee kana 15 pyoo isia gii dokopa, Pondiasa Pailata baa Judia yuu dokonya gapena katea. Gii dokopa Eroteme yuu Galali isiamopa, Erote kaiminingi Pilipame yuu Ituriapa, Trakonaitusapa dolapo isia. Dokopa Laisaniasame yuu Abilini isiamopa,

Matyu 24:14

Kingdom kaiti-kisa singi dokonya lao wai pii epe doko yuu dupa pitakanya akali tata dupa pitaka lamaitataminopa, yuu etapenge gii doko ipatana” lea.

Aposole 25:21

Dokopa Polome baanya kote doko kiŋi anda-anda semaipenge Sisa dokome sakatana anjetae palitoana lea. Dopa leanya, Sisame sekena patena, malisoo anjetae palena leona” lea.

Pilipae 4:22

Endakali Gotenya latae waka dupa pitakame nyakama auu pyoo kalyepape laminopa, Sisanya andaka kalai pyakamaingi dupame etete nee kaeyao nyakama auu pyoo kalyepape lelyamino.

Roma 1:8

Nyakama Roma tange dupame Jisasa tungi pyao kalyamino lapae doko yuu dupa pitakanya lao taeyamino dokonya, nambame nyakama pitaka masetala, Jisasa Kraisanya kenge dokonya nambanya Gote doko wambao yaka pilyino lelyo.

Aposole 11:28

Propeta epeami dupanya mende, Agabusa lenge doko Spirita dokome masepae maiyamopa, baa toeya katapala lao pituu, “Yuu dupa pitakanya lopo andake mende setana” lea. (Agabusanya pii lea doko Kolodiusa Sisame isoo katea gii dokopa angi jia.)

Aposole 25:11

Namba pyao kumasepenge koo mende pio-tamo doko, dokonya namba pyao kumasala naeyape laa naelyo. Dopaka doko, akali dakaitame namba-kisa tenge setelyamino doko sambo-tamo doko, akali mendeme namba nyoo dokaita maiya naeyapengena, nambanya kote doko Sisame sekenana” lea.

Make 16:15

Dopa latala baame dutupa lamaiyoo, “Nyakamame yuu dupa pitakanya pupala, Gotenya wasepae dupa pitaka wai pii epe doko lamaiyepape.

Make 14:9

Nambame nyakama kiningi langilyo: Wai pii epe dake lao panatami yuu dupa pitakanya, enda dakeme pyomo doko lamaitaminopa, endakali dupame baa masetamina” lea.

Matyu 22:17

Dopana, embame aipa lao masilyi? Sisa doko takisa maipengena lao loome latae singipi, nasingipi?” leami.

Luku 2:3

Dokopa endakali yuu wakanya katengema dupa pitaka nyakamanya taono dupanya kenge setala peami.

Luku 2:5

Maria doko Josepe nyetana latala, andaka joo lakuu petengemba dokonyana, baa wane tongota peteamopa, kenge setambana lao apata peambi.