Luku 19:9 - Enga Niu Tesamene

⁹ Dopa leamopa Jisasame baa lamaiyoo, “Akali dake baa Abraamenya ikiningiaka. Tenge dokonya, Gotenya pyoo nyingi doko indupa andaka dakenya ipatelyamo.

Luku 19:9 Referans Kwoze

Galesia 3:7

Dopana, Gote tungi pingi endakali dupa Abraamenya ikiningiakana lao nyakamame masokondape pyepape.

Luku 13:16

Enda dake Abraame wanenge mende, Sataneme ee kana 18 pitaka anjinya palyiamo doko Sambata gii dokonya mokao nanyepengepe?” lea.

Roma 4:16

Tenge dokonya Goteme kondo kaeyatamopa, Gote tungi pingi dokonya-kaita Goteme maitona lea doko nyepenge. Mosesanya loo nyiamino endakali dupa iki daa. Abraameme Gote tungi piali pyoo tungi pingi endakali dupa pitaka nyepenge. Abraame baa naima pitakanya takange dokonya, Goteme baa maitona lea doko Abraamenya mandipaenya mandipae dupa pitaka nyepenge.

1 Pita 2:10

Wamba nyakama Gote tata nakateami. Indupa nyakama Gote tata kalyamino. Wamba nyakamame Gotenya kondo kaenge doko nanyiami. Indupa nyakamame Gotenya kondo kaenge doko nyepelyamino.

Galesia 3:29

Nyakama Kraisanya katatamino doko, nyakama Abraamenya mandipaenya mandipaeyaka katao, Goteme Abraame mende maitona lea doko nyakamame etete nyetami.

Galesia 3:14

Goteme Spirita ditona leamo doko Jisasa Kraisa tungi pingi dokonya-kaita naima pitakame nyetaminopa lao mokao nyia. Goteme Abraame auu pisiali pyoo, Jisasa Kraisa-kisa katenge akali tata waka dupa auu pisetamopa lao dopa piaka.

Luku 3:8

Endakali mona kapilyetae dupame mana miningimali pyoo, nyakamame mana minalapape. Nyakamanya moname tee pyao dapa lao masala naeyalapape: ‘Abraame naimanya yumbange dokonyana, naima yaka kalyamanona’ lao masala naeyalapape. Nambame nyakama langilyo: Goteme kana silyamo dakaita Abraamenya wane jina lapyaliaka.

Luku 2:30

Akali tata dupa pitakanya enomba dupanya, embanya pyoo nyingi depa leeno doko nambame lengeme kandatelyo.

Luku 13:30

Salapape! Endakali mendapu maita-kaita kalyamino dupa tanga enomba nyoo katatami. Endakali mendapu enomba nyoo kalyamino dupa tanga maita-kaita katatamina” lea.

Luku 16:24

Kandatala baame wii lao, ‘Apane Abraame, namba ita yuli dakenya tao tanda andake nelyona, embame namba kondo kaeyapala, Lasarusame baanya kingi kondeme endaki mendalapo poeyanyetala, nambanya keke dake kii nasakala epena lamaiyakapoko’ lea.

Luku 16:30

Dopa leamopa yuunya kamongo dokome lao pituu, ‘Apane Abraame, doko kapa napapomo. Dopaka doko, akali mende malunya sakatatala, dutupa katatami dokonya pao lamaitamopa, mona kapilyalaminona’ lea.