Luku 19:5 - Enga Niu Tesamene

⁵ Jisasa baa ita tenge dosa ipao pituu, ulu kandalyetala, Sakiasa kandea. Kandatala baa lamaiyoo, “Sakiasa, namba indupa embanya andaka palipengena, emba yapa isa ipu” lea.

Luku 19:5 Referans Kwoze

Revelesene 3:20

Sepe! Namba anda kambu dokonya katapala gata-gata lao kalyo. Endakali mendeme nambanya pii doko sepala anda kaita doko lumbatamo doko, namba baanya andaka kolandatala, baa-pipa nee nao pititambanopa, baa namba-pipa nee nao pititambaka.

Jone 14:23

Dokopa Jisasame baanya pii yanu pyakamaiyoo, “Namba auu kaeyata endakali dokome nambanya pii dupa wata-minata. Dopa pitamopa nambanya Takange dokome baa auu kaeyata. Dokopa nambanya Takange dokopa nalimba ipupala baanya mona andaka katatamba.

Ibru 13:2

Endakali mendapuame endakali opone mendapu andaka nyoo palyilyamape latala, enjele mendapu andaka nyoo palyiami-pyaana, nyakamame endakali opone dupa nyakamanya andaka dupanya nyoo palyingi mana doko kame sala naeyalapape.

Jone 1:48

Dokopa Natanieleme baa lamaiyoo, “Aipa petala embame namba kandengepe?” lea. Dopa leamopa Jisasame baanya pii yanu pyakamaiyoo, “Pilipame emba ipu laa naeyamupa, emba piki ita tenge mendenya katapino kanjona” lea.

Epesusa 3:17

nyakamame Kraisa tungi pyatami dokonya-kaita, Kraisa baa nyakamanya mona andaka katena lao loma sekelyo.

Luku 19:10

Aipumape, Akalinya Ikiningi dokome endakali alu petae dupa kutao pyoo nyalanya epeana” lea.

2 Korina 6:1

Dopana, naima Gote-pipa kalai pyoo katao kyeto joo nyakama dapa langilyamano: Gotenya kondo kaenge nyakama nyiamino doko nyakama-kisa maa yangatae katena lao kaeyala naeyalapape.

Luku 19:2

Siti dokonya akali Sakiasa lenge mende katea. Akali doko baa takisa nyingi dupanya isingi mende. Baa oapi longo setenge.

Luku 19:4

Dopa piamosa, baame Jisasa kaitini dokonya-kaita epelyamo lao kandatala, baa alo pyao wambatala, Jisasa kandatoo lao sikamoo ita mendenya kisia.

Luku 19:6

Dopa leamopa baa pupae isa pyakanatala auu kaeyao Jisasa lanyia.