Luku 19:28 - Enga Niu Tesamene

²⁸ Jisasame pii dutupa lao etapala baa wambao Jerusalema lalyoo paanya pea.

Luku 19:28 Referans Kwoze

Luku 9:51

Jisasa kaiti-kisa lanyoo pupenge gii doko tengesa piamopa, Jisasa baa Jerusalema patoo latala masepae kyeto nyia.

1 Pita 4:1

Kraisame naima masetala baanya yonge dokonya tanda nyiamo dokonya, nyakamame dopaka pyoo tanda nyemana lao kyeto nyalapape. Endakali mendeme Kraisa masetala baanya yonge dokonya tanda nyilya dokome baanya koo dupa yakinelyamosa pingi.

Ibru 12:2

Naimanya Jisasa tungi pingi doko Jisasame tee pyatala, etao baa tungi pyalapale lao nisoo kalyamo. Baa auu kaeyapae mende tanga nyotona latala, elya kaengepi, tanda andake nyingipi, dupa angi mende daana lao masia. Dopa lao masetala, poko ita dokonya tanda nao, yukutae katao baa maka nakaeya. Indupa baa Gote petenge toko dokonya kingi tolaetena pilyamona, naimame baa iki kandatae katamana.

Luku 18:31

Jisasame 12 disaipolo dutupa lanyepala dokaita lamaiyoo, “Salapape! Naima lalyoo Jerusalema pelyamano. Pupala katatamanopa, Akalinya Ikiningi doko-kisa mendapu pitana lao propeta dupame pepa pyanya seteami dupa pitaka angi jeta.

Luku 12:50

Nambame kaimbu kenda paleta mende nyepenge doko ene ipumupa, mona etete kenda pilyamo. Kaimbu doko nyoo etato dokopa yaka jeta.

Jone 18:11

Dokopa Jisasame Pita lamaiyoo, “Nambanya Takangeme kenda paleta kapo mende namba dia doko nambame nala naeyapengepe? Embanya konjuwa doko palenge andanda dokonya mandi” lea.

Luku 10:30

Dokopa Jisasame yanu pyao, “Akali mende Jerusalema katao, Jeriko paanya lanao pea. Peamopa pake nenge mendapuame kaitinisa kandanyetala, baanya yonge pee dupa lyokao nyepala, baa pyao indyepala, kumapenge joo sina latala peami.