Luku 18:12 - Enga Niu Tesamene

¹² Wiki mendainya yuu gii lapoma nambame loma soo nee nanao katenge. Nambame dopale nyilyo dupa pitaka malu akalita mokosoo setapala, dutupanya malu mendai emba dingina’ lao loma sia.

Luku 18:12 Referans Kwoze

Luku 11:42

“Nyakama Parasi dupa koeyatami. Nyakamame takaepi, itamaiyapi, sakaenge tata waka dupa pitakapi, dupa malu akalita mokosoo setapala, dutupanya malu mendai Gote maingima. Dopa pingimaka doko, mana epeme endakali tolasingi dokopa, Gote auu kaenge dokopa, dolapo nyakamame yakinengema. Nyakamame mana dolapo wata-minao katao, mana waka dupa yakinala naeyapenge.

Matyu 9:14

Gii dokopa Jonenya disaipolo dupa Jisasa katea dokonya ipupala baa lamaiyoo, “Naimapi, Parasipi dupame paa longosa loma soo nee nanao katengena, embanya disaipolo dupame aipuma dopa napingimape?” leami.

Luku 17:10

Dopaka pyoo, Goteme pyepape latae dupa pitaka nyakamame petala dapa lapape: ‘Naima kalai akali koo. Naimame pyepape latae dutupaka pilyamanona’ lapape” lea.

1 Timoti 4:8

Pii lapae dake kiningina lao soo nyepenge: Yonge kyeto maina lao alo pingi dokome naima kuki mendalapo nisingi. Dopaka doko, Gote wata-miningi dokome indupapi tangapi auu pyoo lete kalyepale lao longo lao nisingi.

Matyu 6:1

Jisasame lao pituu, “Endakali dupame kandena lao nyakamame endakali tipya dupa panao maitamino doko, nyakamanya Takange kaiti-kisa katenge dokome nyakama yole mende nanditana, kandao kalyepape.

Epesusa 2:9

Endakali mendeme kalai mende pilyamosa Goteme baa pyoo nyala naenge. Dopana, endakali pyoo nyepae mendeme tange kenge minalyala naeyapenge.

Galesia 1:14

Namba tata Juu dupanya yumbangenya lotuu mana wambatae dupanya, namba-yale yango dupa ita minao, nambame kalai pyokondape pyoo pitoana lao etete nee kaeyao masio.

Roma 3:27

Dopana, naima tange kenge minalyepenge kaitini mende silyape? Daa, nasilyamo. Tange kenge minalyepenge kaitini doko loo aipale mendeme lyokenge? Tange kenge minalyepenge kaitini doko kalai mendapu pyepape lapae singi loo mendeme lyokengepe? Daa, tange kenge minalyepenge kaitini doko Jisasa tungi pyalapape lapae singi loo dokome lyokenge.

Matyu 6:16

“Nyakamame loma soo nee nanao katao, mana tolatae miningi manemane pingima dupame pingimali pyoo, enomba kumala naeyalapape. Dokaita nee nanao kalyamini-lamo lao endakali dupame kandena lao, dokaita enomba kumapae paengema. Dopa pingima endakali dupame nyakamanya yole doko nyepelyaminona lao nambame nyakama kiningi langilyo.

Matyu 6:5

“Embame loma sete gii dokopa, endakali mana tolatae miningi manemane pingima dupame loma singimali pyoo sala naeyape. Dupame lotuu andapi, taononya kaitini kembopi dupanya katao, endakali dupame kandena lao loma simu laka lao masingima. Nambame nyakama kiningi langilyo: Dopa pingima endakali dupanya yole dupa nyepelyamino.

Matyu 5:20

Nambame nyakama langilyo: Mosesanya loo mana nyepaepi, Parasipi dupa ita minao nyakamame mana tolatae dupa minala naeyatamino doko, kingdom kaiti-kisa singi dokonya nyakama kolandala naeyatamina” lea.