Luku 18:11 - Enga Niu Tesamene

¹¹ Parasi dokome baa iki katao dapa lao loma sia: ‘Gote, namba pake nengepi, mana koo miningipi, kepo kolengepi, endakali waka dopale daa. Namba takisa nyingi kalyamo dapale daaka dokonyana, nambame emba yaka pilyino lelyo.

Luku 18:11 Referans Kwoze

Matyu 6:5

“Embame loma sete gii dokopa, endakali mana tolatae miningi manemane pingima dupame loma singimali pyoo sala naeyape. Dupame lotuu andapi, taononya kaitini kembopi dupanya katao, endakali dupame kandena lao loma simu laka lao masingima. Nambame nyakama kiningi langilyo: Dopa pingima endakali dupanya yole dupa nyepelyamino.

Revelesene 3:17

Embame dapa lelyeno: “Namba dupa pitakame kapa patae, dopale mendeme daa jala naenge, namba kamongo kalyona” lelyeno. Dopaka doko, emba koeyapae, kondo pipae, tipya, lenge monda, yonge papata kalyeno doko masala naelyeno.

Make 11:25

Nyakamame loma soo katao, endakali mende imbu kaelyona lao masepae epea-kandeno doko, nyakamanya Takange kaiti-kisa katenge dokome nyakamanya koo dupa kame sekena lao, endakali dokonya koo dupa nyakamame kameaka sakamaiyepape.

Galesia 3:10

Pii mende dapa lao pepa pyapae silyamo: “Mosesanya loo dupa pitaka wata-minao nakatengema endakali dupa pitaka koeyatamina” lapae silyamo. Tenge dokonya, loo buku dokonya pii pepa pyapae singi dupa pitaka wata-minao nakatengema endakali dupa pitaka koeyatami.

Luku 20:47

Dokaitame enda walyakae dupa minakasetala, yuu andapi dupa nyingima. Endakali waka dupame dokaita epena lao masina latala, loma londe pyoo singima. Akali dupa-kisa tenge setatamopa, dupa tanda etete andake nyetamina” lea.

Pilipae 3:6

Nambame etete nee kaeyao siosa doko koeyasio. Nambame Mosesanya loo dupa tolao minakondape pyoo minao kateopa, koo tengepi mende namba-kisa nasia.

Matyu 5:20

Nambame nyakama langilyo: Mosesanya loo mana nyepaepi, Parasipi dupa ita minao nyakamame mana tolatae dupa minala naeyatamino doko, kingdom kaiti-kisa singi dokonya nyakama kolandala naeyatamina” lea.

Matyu 10:3

Pilipapi, Batalomyuapi, Tomasapi, takisa nyingi Matyuapi, Alopiusa ikiningi Jemesapi, Lebiusa kenge mende Tadiusa lenge dokopi,

Luku 22:41

Dopa latala baame dokaita yakinatala, omosale pao luma lakapala loma sia.