Luku 17:6 - Enga Niu Tesamene

⁶ Dopa leaminopa Kamongome lao pituu, “Nyakamanya Gote tungi pingi doko yakane masete dii dopalepi mende-pyali doko, nyakamame diwi ita dake lamaiyoo, ‘Emba pingitaka yukupala, solowatanya kalya puu’ laminopa lamiliaka pipyalina” lea.

Luku 17:6 Referans Kwoze

Matyu 17:20

Dopa leaminopa Jisasame dokaita lamaiyoo, “Nyakamame Gote tungi napilyamino dokonya, imambu koo doko kapa pao watao pyala naeyalamino. Nambame nyakama kiningi langilyo: Nyakamanya Gote tungi pingi doko yakane masete dii dopalepi mende-pyali doko, nyakamame yuu manda dake lamaiyoo, ‘Emba asa pituu omosa puu’ laminopa, lamiliaka pipyali. Dokopa nyakamame dopale mende pyaanya kokala naeyamili.

Matyu 21:21

Dopa leaminopa Jisasame dokaitanya pii yanu pyakamaiyoo, “Nambame nyakama kiningi langilyo: Nyakama mona lapo palya naeyao Gote tungi pyatamino doko, nambame piki ita dake pilyoli pyoo nyakamame pitami. Nyakamame doko iki pyaa naeyatami. Nyakamame yuu manda dake lamaiyoo, ‘Emba sakatatala, solowatanya pyakala puu’ lataminopa, kiningi doko solowatanya pyakala pataka.

Make 9:23

Dopa leamopa Jisasame baa lamaiyoo, “Embame kapa pao Gote tungi pyate-tamo doko, nambame nyakamba nisotoo. Gote tungi pingi endakali dokome kalai dupa pitaka kapa pao pingina” lea.

Luku 13:19

Gotenya kingdom doko, akali mendeme masete dii mende nyepala, baanya eenya lyandeamo dopale. Masete doko andao ita joo yale jiamopa, wangya dupanya yaka ketae paenge dupame anda piamina” lea.

1 Korina 13:2

Gotenya pii doko propesi piimi lapengepi, Gotenya yalo petaepi manapi dupa pitaka kandao masepengepi, Gote tungi pingi dokome yuu manda dupa yukuu kapya lena lapengepi, dupa pitaka namba-kisa setamopa, endakali auu kaenge doko namba-kisa nasetamo doko, namba angi mende daa joo katatosa pita.

Luku 19:4

Dopa piamosa, baame Jisasa kaitini dokonya-kaita epelyamo lao kandatala, baa alo pyao wambatala, Jisasa kandatoo lao sikamoo ita mendenya kisia.

Make 4:31

Gotenya kingdom doko masete dii dopale. Yuunya ee wai dupa pitakanya masete dii doko etete yakane. Dopaka doko, endakali mendeme masete dii doko yuunya lyandelyamopa,

Luku 7:13

Epeaminopa Kamongome endangi doko kandatala kondo kaeya. Kondo kaeyapala baa lamaiyoo, “Emba ee kae” lea.

Luku 7:19

Joneme baanya disaipolo dupanya lapoma epena lea. Ipateambinopa, Jisasa katea dokonya pupala, baa lamaina lao dolapo lamaiyoo, “Emba akali mende ipatana latae singi dokope, pande naimame akali waka mende malisemape?” lao tipa pyaa pena lea.

Luku 17:7

“Nyakamanya mendenya kalai akali mende ee pokalanya yuu amao kataowapi, sipisipi setao kataowapi andaka ipatamopa, embame baa lamaiyoo, ‘Emba yapa ipao pitipala nee naa’ latepe?

Matyu 14:29

Dopa leamopa Jisasame, “Emba ipu” lea. Dopa leamosa, Pitame sipi doko yakinatala, Jisasa katea dokonya paanya, endakinya moko katao pea.