Luku 17:30 - Enga Niu Tesamene

³⁰ Akalinya Ikiningi doko panatamo gii dokopa, dopaka pita.

Luku 17:30 Referans Kwoze

Revelesene 1:7

Salapape! Baa kopa tambetambe ipatamopa, endakali dupa pitakame lengeme kandatami. Baa yandateme kapu katao piami akali dupame apata kandatamiaka. Dokopa yuunya akali tata dupa pitakame baa kandatala yako lao ee latami. Dopa pitami. Doko kiningi.

2 Tesalonaika 1:7

Kamongo Jisasa baa kaiti-kisa katao, baanya enjele kyeto dupa-pipa itate yuli-pipa tambetambe panao ipata gii dokopa, nyakama kenda nyilyamino dupa naima-pipa mona yaepao Goteme koto kalyepa lata. Gii dokopa endakali Gote masala naengepi, naimanya Kamongo Jisasanya wai pii epe doko wata-minala naengepi, dupanya koo dupa yanu pyakamaita.

1 Korina 1:7

Dopa pimupa, Kamongo Jisasa Kraisa panao ipata gii doko, indupa nyakamame nee kaeyao malisoo kataminopa, Goteme naima epe mee diamo dupanya mendeme nyakama daa jala naelyamo.

1 Pita 1:13

Dopana, nyakama masepae epe paliu, mende pitamopa mende pitona lao mona lenge tao kalyepape. Jisasa Kraisa panao ipatamopa, Gotenya kondo kaenge doko nyakama-kisa ipatana lao, kyeto joo nee kaeyao malisoo kalyepape.

1 Pita 1:7

Endakali dupame golo doko angipi kandamana latala itateme yangengema. Dopaka pyoo, nyakamame kiningi Jisasa tungi pilyamipi lao kanjanya, makande pipae epelyamo dupame nyakama makande pilyamo. Jisasa tungi pingi dokome golo koeyapenge doko ita miningi. Nyakamame kiningi Jisasa Kraisa tungi pyatala katatamino doko, baa panao ipata gii dokopa, baame nyakama mambo pyao, lalyoo kenge andake dita.

Luku 21:27

Dokopa Akalinya Ikiningi doko baanya kyetopi, tii pipae andakepi dupanya pituu, kopa mendenya tambetambe ipatamopa endakali dupame kandatami.

Matyu 24:3

Jisasa Olipimanda peteamopa, disaipolo dupa elyakalao ipupala baa lamaiyoo, “Embame lelyeno dutupa gii andukupa pita? Embame naima langi. Yuu etapenge gii dokopa, emba ipate gii dokopa, dolaponya kongali aipale mende pitape?” leami.

Matyu 16:27

Akalinya Ikiningi doko baanya enjele dupa-pipa, baanya Takangenya tii pipae andake dokonya ipata. Ipupala endakali mendai-mendaimi mana minatamili pyoo yole pita.

1 Pita 4:13

Kraisanya tii pipae doko panatamopa, nyakama eteke pyao mona yaepatamina, baa tanda nyiamoli pyoo, nyakama tanda nyilyamanona lao masetala, eteke pyao kalyepape.

Make 13:26

Dokopa Akalinya Ikiningi doko baanya kyeto andakepi, tii pipaepi dupanya pituu, kopa tambetambe ipatamopa endakali dupame kandatami.

Matyu 26:64

Dopa leamopa Jisasame baa lamaiyoo, “Embame latelyeno. Nambame nyakama dapa langilyo: Akalinya Ikiningi doko, Gote etete kyeto dokonya kingi tolaetena pituu, kaitinya kopa-kisa ipatamopa nyakamame kandatamina” lea.

Matyu 24:39

Dupame aipa pitape lao masala naeyao kateaminopa, endaki andake doko ipupala, dokaita pitaka pyao soo pea. Dopa piana, endakali dupa dopaka pyoo katataminopa, Akalinya Ikiningi doko ipata.

Matyu 24:37

Akalinya Ikiningi doko ipanya pita gii dokopa, Noa katea gii dokopa pialiaka pita.

Luku 17:24

Yuu-wapaka pilyamopa, tii pipae doko kaitinya yangitena pituu, yangitena tuu lenge dopaka pyoo, Akalinya Ikiningi doko baanya gii dokonya ipatamopa dopaka pita.

Luku 17:29

Dopa pyoo kateaminopa, Lote baa Sodomo yuu doko yakinatala pateamopa, kaitinya katao itatepi, kana yuli tapetapi, dupa aiyuu joo ipupala, endakali dupa pitaka pyambatala koeyasia.

1 Korina 1:8

Naimanya Kamongo Jisasa Kraisa ipata gii dokopa, nyakama-kisa koo tengepi mende nasetamopa lao, Jisasa Kraisame nyakama kyeto dyoo pao, yuu gii etao dokonya tuu lata.

Kolosi 3:4

Naima lete katasingi, Kraisa doko panao ipatamopa, baanya tii pipae dokonya nyakama apata panao ipatamiaka.

1 Jone 2:28

Wane paluma, indupa nyakama baa-pipa tole kalyepape. Dopa pitaminopa, baa panao ipatamopa, baanya enombanya nyakama elya pakapi mende nakaeyao kyeto joo katatami.

1 Jone 3:2

Mona setenge paluma, indupa naima Gotenya wane kalyamano. Tanga naima katapenge doko dopalena lao panasala naelyamo. Dopaka doko, baa panatamopa naimame baa dopale-lamo lao kandatama. Gii dokopa naima baa-yale katatamana lao masilyamano.