Luku 17:24 - Enga Niu Tesamene

²⁴ Yuu-wapaka pilyamopa, tii pipae doko kaitinya yangitena pituu, yangitena tuu lenge dopaka pyoo, Akalinya Ikiningi doko baanya gii dokonya ipatamopa dopaka pita.

Luku 17:24 Referans Kwoze

Matyu 24:30

Dokopa Akalinya Ikiningi doko ipanya kongali mende kaitinya pitamopa, yuunya akali tata dupa pitakame kandatala, yako lao ee latami. Dokopa Akalinya Ikiningi doko baanya kyetopi, tii pipae andakepi dupanya pituu, kaitinya kopa-kisa ipatamopa kandatami.

2 Pita 3:10

Dopaka doko, Kamongonya gii doko pake nenge mende kuakama epengeli pyoo ipata. Gii dokopa, toka andake mende latala kaiti doko alu pita. Kaitinya singi dupa itateme tao mee jetamopa, yuu dakepi, endakalimi petaepi, dupa pitaka tao etata.

Jemesa 5:8

Kamongo ipupenge gii doko tengesa petelyamona, nyakama maka nakaeyao, mona kyeto jetala malisoo kalyepape.

1 Tesalonaika 5:2

Ambe lao palipataminopa, pake nenge mende kuakama epengeli pyoo, Kamongonya gii doko ipatana lao, nyakamame masokondape pyoo kalyamino.

2 Tesalonaika 2:8

Gotenya loo yalenge akali doko panao ipata. Kamongo ipata gii dokopa, Kamongonya kambumi poo lata dokome akali doko pyao kumasoo etete koeyaseta.

Matyu 26:64

Dopa leamopa Jisasame baa lamaiyoo, “Embame latelyeno. Nambame nyakama dapa langilyo: Akalinya Ikiningi doko, Gote etete kyeto dokonya kingi tolaetena pituu, kaitinya kopa-kisa ipatamopa nyakamame kandatamina” lea.

Matyu 25:31

“Tanga Akalinya Ikiningi doko baanya tii pipae dokonya pituu, enjele Gotenya latae dupa pitaka-pipa ipata. Ipupala baanya kiŋi toko tii pipae dokonya pitita.

Matyu 5:15

Endakali dupame lama kaiyepala, penge mendeme sanga pyambala naengema. Endakali andaka pititami dupa pitaka tii pisina lao toko-kisa panao setengema.

1 Korina 1:8

Naimanya Kamongo Jisasa Kraisa ipata gii dokopa, nyakama-kisa koo tengepi mende nasetamopa lao, Jisasa Kraisame nyakama kyeto dyoo pao, yuu gii etao dokonya tuu lata.