Luku 17:21 - Enga Niu Tesamene

²¹ Endakali dupame lao pituu, ‘Gotenya kingdom doko ae silyamo dakena kanjepa. Omo silyamo domona kanjepa’ laa naeyatami. Aipumape, Gotenya kingdom doko nyakamanya mona andaka kalyamona” lea.

Luku 17:21 Referans Kwoze

Matyu 12:28

Gotenya Spirita dokonya kyeto dokome imambu koo dupa nambame watao pingi-tamo doko, Gotenya kingdom doko nyakama-kisa ipao silyamosa pingi.

Roma 14:17

Gotenya kingdom doko nee endakipi nenge dopale daa. Gotenya kingdom doko, Oli Spirita-kisa katao, mana tolatae dupa minao, mona yaepao, eteke pyao katenge dopale.

Make 13:21

Gii dokopa Kraisa manemane pingimapi, sambo propetapi dupa ipupala, Gotenya yapao nyepae endakali dupa apata kyakasetamano nakandenya latala, mirakolo andakepi, kalai paka pipaepi, dupa pitami. Dopana, endakali mendeme nyakama langyoo, ‘Kraisa doko asa kalyamo kanjepa, amasa kalyamo kanjepa’ lea-kandeno doko, kiningi lelyamona lao masala naeyalapape.

Kolosi 1:27

Nyakama akali tata waka dupa-kisa Kraisa kalyamo dokonya, nyakama tii pipae dokonya katatamina lao pii yalo petae, tii pipaeme tumbatae doko Goteme endakali baanya latae dupa-kisa panasia.

Luku 21:8

Dokopa Jisasame lao pituu, “Endakali mendeme nyakama minakasetana, kandao kalyepape. Aipumape, endakali longo mendapu nambanya kengenya ipupala lao pituu, ‘Namba akali dokona’ latami. ‘Gii doko tengesa ipatelyamona’ latamiaka. Dopa lataminopa, nyakamame dokaita watao napupape.

Luku 17:23

Dokopa endakali mendapuame nyakama langyoo, ‘Akalinya Ikiningi doko asa kalyamo kanja ipupa, omosa kalyamo kanja pupa’ lataminopa, nyakamame kutao kanja napupape.

Jone 1:26

Dokopa Joneme dokaitanya pii yanu pyakamaiyoo, “Nambame endakali dupa endakimi kaimbu pilyo. Dopaka doko, akali mende nyakamanya kainanya kalyamo doko nyakamame nakandengema.

Jone 18:36

Dopa leamopa Jisasame yanu pyao, “Nambanya kingdom doko isa yuu dakenya-tae daa. Nambanya kingdom doko isa yuu dakenya-tae-pyali doko, Juu dupanya kinginya namba namaina lao, nambanya kalai akali dupame yanda pimili. Dopaka doko, nambanya kingdom doko isa yuu dakenya-tae daana” lea.