Luku 16:8 - Enga Niu Tesamene

⁸ Isingi akali koo doko waa katea dokonya, baanya akali andake dokome baa kenge minalyia. Yuu dakenya ikiningi dupame etete waa katao dokaitanya tata dupa-kisa mana miningima. Tii pipae dokonya ikiningi dupame dopaka pyoo waa nakatengema.

Luku 16:8 Referans Kwoze

1 Tesalonaika 5:5

Tii pipae dokopa, kotaka gii dokopa, dolaponya nyakama ikiningi kalyamino. Kuka gii dokopa, iminjetae dokopa, dolaponya naima ikiningi nakalyamano.

Epesusa 5:8

Wamba nyakama iminjetae dokonya kateami. Dopaka doko, nyakama indupa Kamongo-kisa katao tii pipae dokonya kalyamino. Dopana, nyakama tii pipae dokonya wane kalyepape.

Luku 16:10

“Kuki mendalapo isina lelyamoli pyoo isingi endakali dokome, longo mendapu isina lelyamoli pyoo isingiaka. Kuki mendalapo isoo katao minakasingi endakali dokome, longo mendapu isoo katao minakasingiaka.

Jone 12:36

Nyakama tii pipae dokonya ikiningi katamana lao, tii pipae doko nyakama-pipa kalyamino dokopa baa tungi pyalapape” lea. Jisasame pii dutupa lao etapala, baame dokaita yakinao pupala, yalo pyoo katea.

1 Jone 3:10

Gotenya wane-lamo lao kandenge dokopa, Satanenya wane-lamo lao kandenge dokopa, dolapo dapale: Akali mendeme kalai tolatae napilyamo doko, baa Gotenya wane daa. Akali mendeme baanya Kristene kaiminingi doko auu nakaelyamo doko, baa Gotenya wane daaka.

Luku 16:4

Nambanya isingi kalai doko tange nyetamopa, endakali mendapuame nyakamanya andaka dupanya namba lanyoo pataminopana, nambame kalai mende pitoana’ lao masia.

Luku 20:34

Dokopa Jisasame dokaitanya pii yanu pyakamaiyoo, “Akali indupa palelyamino dupame enda nyoo, wanaku dupa akali nyala pao pilyamino.

1 Pita 2:9

Dopaka doko, nyakama Gotenya yapao nyepae, kiŋinya prisapi, akali tata baanya lataepi, dupa Gotenya etao kalyamino. Gotenya mana etete epe dupa dopalena lao, lao panalapale lao, nyakama iminjetae doko yakinatala, baanya tii pipae etete epe dokonya ipupale lao wii lao nyia.

Pilipae 3:19

Endakali dokaitanya nee namu laka lao masingi doko gote joo wata-miningima. Dokaitanya masingi dupa yuunya singi dupanya iki pena lao katao, elya pipae mana dupa minalanya auu kaeyao katengema. Dopa pingima endakali dupa koeyatami.

1 Korina 3:18

Endakali mendeme baa tange minakasala naeyapenge. Indupa endakali palelyamino dupanya emba masepae singi akali mende kalyona lao nyakamanya mendeme maseteno doko, masepae singi akali jalanya, wambao yuu dakenya mana dupanya kyakaenge jepenge.

Luku 18:6

Dopa latala Kamongome lao pituu, “Mana tolatae naminingi jasa dokome lea-lumu doko nyakamame auu pyoo masalapape.

Matyu 17:26

Dokopa Pitame baa lamaiyoo, “Endakali waka dupa-kisa takisa nyingimana” lea. Dopa leamopa Jisasame baa lamaiyoo, “Dopa-tamo doko, kiŋi dupame nyakamanya ikiningi dupa-kisa takisa nanyingima.

Matyu 12:32

Akalinya Ikiningi doko pii koo lata endakali dokonya koo doko Goteme kunao nepakamaita. Dopaka doko, Oli Spirita doko pii koo lata endakali dokonya koo doko Goteme indupapi, tangapi kunao nepakamaiya naeyatana” lea.

Luku 16:7

Maitakao akali mende epea doko lamaiyoo, ‘Emba-kisa yanu akipate silyape?’ lea. Dopa leamopa akali dokome lao pituu, ‘Namba-kisa wita beke 100 yanu silyamona’ lea. Dokopa isingi akali dokome baa lamaiyoo, ‘Embanya yanu singi pepa dake nyepala, 80 silyamona lao pepa pyaa’ lea.

Luku 20:35

Dopaka doko, malunya sakatatala yuu enenge dokonya katapengena latae endakali dupa enda akalipa lao napititami.