Luku 16:7 - Enga Niu Tesamene

⁷ Maitakao akali mende epea doko lamaiyoo, ‘Emba-kisa yanu akipate silyape?’ lea. Dopa leamopa akali dokome lao pituu, ‘Namba-kisa wita beke 100 yanu silyamona’ lea. Dokopa isingi akali dokome baa lamaiyoo, ‘Embanya yanu singi pepa dake nyepala, 80 silyamona lao pepa pyaa’ lea.

Luku 16:7 Referans Kwoze

Luku 20:12

Dokopa ee tange dokome kalai akali mende tepo pyoo pena lateamopa, kalai akali doko apata pyao indyepala, kamalyatena pyale leami.

Luku 20:9

Dopa latala kongali pii dake endakali dupa lamaiyoo, “Akali mendeme waene ee mende pokea. Dopa petala baame waene dii mendatupa tange nyepengena lao, ee pokenge akali mendatupa lamaitala, ee doko isoo katekena lea. Dopa latala baa yuu londati mendenya gii longo pao katea.

Matyu 18:28

Dopa peteamopa, kalai akali doko pupala, baanya kalai akali yango mende-kisa 100 silipa muni yanu sakamaingi doko kutao kandatala, mangenya puu lao minia. Minatae katao baa lamaiyoo, ‘Nambanya yanu dutupa pyaka’ lea.

Luku 2:37

Akalingi kumateamopa, baa walyakae petea. Baa ee kana 84 lea. Baame lotuu anda nee nyetae kamapu doko yakinala naeyao, kuka kotakapi Gote mambo pyao, nee nanao loma soo petenge.

Luku 16:6

Dopa leamopa akali dokome lao pituu, ‘Namba-kisa wele jatamu 100 yanu silyamona’ lea. Dopa leamopa isingi akali dokome baa lamaiyoo, ‘Embanya yanu singi pepa dake nyepala, yapa isa pitipala, 50 silyamona lao pepa pyaa’ lea.

Luku 16:8

Isingi akali koo doko waa katea dokonya, baanya akali andake dokome baa kenge minalyia. Yuu dakenya ikiningi dupame etete waa katao dokaitanya tata dupa-kisa mana miningima. Tii pipae dokonya ikiningi dupame dopaka pyoo waa nakatengema.