Luku 16:26 - Enga Niu Tesamene

²⁶ Dupa pitakanya mende doko dake: Naima kalyamano panda dakepa, nyakama kalyamino panda dokopa, dolaponya kainanya kundu andake mendeme lita pyakao petae kalyamo dokonya, endakali mendapuame aetena katao nyakama kalyamino dokonya pyakaeyamana lao masetami dupame kapa pyakaeyala naeyapenge. Omotena katao naima kalyamano dakenya pyakaeyala naeyapengeakana’ lea.

Luku 16:26 Referans Kwoze

Jone 3:36

Gote Ikiningi mendai iki doko tungi pilya endakali dokome lete etete katenge doko nyingi. Dopaka doko, Gote Ikiningi dokonya pii doko nepata endakali dokome lete katenge doko nakandata. Gotenya imbu kaenge doko endakali doko-kisa dopa petae singi.

Revelesene 20:10

Dopa pitamopa, yana kapu dokopa, sambo propeta dokopa, dolapo wamba soo pyandea, kana yuli tao katenge, itate andake dokonyaka endakali minakasingi Satane doko soo pyandata. Soo pyandatatamopa, tanga-tangapi dutupa kuka kotakapi koteaka lao tanda nyoo katatami.

Matyu 25:46

Endakali kingi koeyatena katatami dokaita tanda nenge panda dokonya etao patami. Dopaka doko, endakali tolatae dupa lete etete katenge panda dokonya etao patamina” Jisasame lea.

Luku 12:59

Anjetae paliu, koteme maipi latami dutupa maiyoo etatenopa, emba mokatamina lao nambame emba langilyona” lea.

Revelesene 22:11

Koo pingi endakali dupame koo pyoaka katena. Mana kaimala pipae miningi endakali dupame mana kaimala pipae minaowaka katena. Mana tolatae miningi endakali dupame mana tolatae minaowaka katena. Endakali Gotenya latae dupa Gotenya lataeyaka katenana” lea.

Luku 16:25

Dopa leamopa Abraameme lao pituu, ‘Wane, embame masepe: Emba yuunya kateeno dokopa, oapi epe dupa pitaka embame nyiinopa, Lasarusame koo dupa nyia. Dopaka doko, indupa panda dakenya baa mona yaepasimupa, emba tanda andake nyilyino.

Luku 16:27

Dopa leamopa yuunya kamongo dokome lao pituu, ‘Apane, dopa-tamo doko, nambanya kaiminingi yungi dutupa namba tanda andake nao kalyo dakenya ipatamina kandao katena lao, Lasarusame nambanya takangenya andaka lamaiyakala pena laa’ lao kyeto joo tee lea.